Вы тут

Аляксандр Гаёвіч: культура перш за ўсё


Чарговая кніжная выстаўка-кірмаш вызначаецца вялікай колькасцю самых розных сустрэч міжнароднага характару. І гэта невыпадкова. У выстаўцы ўдзельнічаюць госці болей як з 30 краін. Прадстаўнікі нацыянальных літаратур 21 краіны ўзялі ўдзел і ў Міжнародным сімпозіуме літаратараў «Пісьменнік і час».


У межах выставачнай праграмы — і іншыя сустрэчы, перамовы. У Міністэрстве інфармацыі Рэспублікі Беларусь прайшлі перамовы кіраўніка ведамства з Дзяржаўным сакратаром Міністэрства культуры і інфармацыі Рэспублікі Сербія Аляксандрам Гаёвічам. Удзел у размове, акрамя міністра інфармацыі Аляксандра Карлюкевіча, узялі начальнік упраўлення выдавецкай і паліграфічнай дзейнасці Алена Паўлава, Надзвычайны і Паўнамоцны Пасол Рэспублікі Сербія ў Рэспубліцы Беларусь Велька Кавачавіч.

Сербія — ганаровы госць XXV Мінскай міжнароднай кніжнай выстаўкі-кірмашу. У Беларусь прыехала вялікая дэлегацыя сербскіх пісьменнікаў. Сярод іх — і славуты сучасны празаік Горан Петравіч. Да выстаўкі айчынныя выдавецтвы, у прыватнасці «Мастацкая літаратура» і Выдавецкі дом «Звязда», падрыхтавалі цэлы шэраг кніжных і часопісных публікацый твораў сербскіх паэтаў і празаікаў у перакладзе на беларускую мову. Падчас перамоў у Мінінфарме размова ішла пра перспектывы медыйнага супрацоўніцтва. Вызначаны асноўныя аспекты мяркуемага пагаднення аб супрацоўніцтве паміж Міністэрствам інфармацыі Беларусі і Міністэрствам культуры і інфармацыі Рэспублікі Сербія. Ёсць дамоўленасць пра тое, што варта наладзіць прэс-туры беларускіх журналістаў у Сербію і сербскіх — у Беларусь.

— Лічу, што нам варта памятаць пра прыярытэты культуры ў фарміраванні добрых зносін паміж краінамі і народамі. Мне асабліва імпануе стаўленне беларускай дзяржавы да кніжнай культуры, — сказаў на сустрэчы спадар Аляксандр Гаёвіч. — Разуменнем, што без кнігі няма нацыянальнай ідэнтычнасці, сербы і беларусы надзвычай падобныя.

На сустрэчы ў Мінінфарме згадваліся імёны сапраўдных паўнамоцных прадстаўнікоў, амбасадараў нацыянальных культур, нацыянальных літаратур. У Беларусі лідар сербістыкі — прафесар, доктар філалагічных навук Іван Аляксеевіч Чарота. У Сербіі ўсё большую актыўнасць па прадстаўленні беларускай літаратуры праяўляе маладая перакладчыца Даяна Лазаравіч. Яна пераклала і выдала неўміручы «Вянок» Максіма Багдановіча. Удзельнікі перамоў пагадзіліся, што развіццё беларуска-сербскіх гуманітарных, культурных стасункаў патрабуе пашырэння. Варта ствараць новыя пляцоўкі, якія б дапамагалі нашым народам ясна ўяўляць, што адбываецца ў Беларусі і Сербіі, якімі прыярытэтамі вызначаецца дзяржаўная палітыка ў нашых краінах.

Мікола БЕРЛЕЖ

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.