Беларуска Святлана Сахоненка перамагла ў лыжнай гонцы на 15 км вольным стылем на Паралімпійскіх гульнях сярод спартсменак у катэгорыі В2 для атлетаў з парушэннямі зроку.
На фінішы беларуска паказала вынік 49 мін. 11,7 сек. Другое месца заняла ўкраінка Аксана Шышкова - 49 мін. 19,5 сек. Бронзавым прызёрам стала расіянка Міхаліна Лысова - 52 мін. 29.2 сек. У гонцы на 15 км дасведчаная беларуская лыжніца Ядвіга Скорабагатая заняла пятае месца.
Для Святланы Сахоненкі гэта ўжо другі медаль на бягучых Паралімпійскіх гульнях у Пхенчхане. Раней яна заваявала бронзу ў біятлоне, стаўшы трэцяй у спрынце на 6 км.
Другі сярэбраны медаль на Паралімпійскіх гульнях заваяваў беларус Юрый Голуб у лыжнай гонцы на 20 км у катэгорыі В3 для спартсменаў з парушэннямі зроку. Раней ён стаў другім у біятлоне ў спрынце на 7,5 км.
У актыве беларускіх паралімпійцаў у зімовых Паралімпійскіх гульнях у Пхенчхане ўжо 6 медалёў (1 залаты, 3 сярэбраныя, 2 бронзавыя), беларуская каманда займае дзявятае месца ў медальным заліку.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
