Тэлеканал СТБ абвясціў творчы конкурс на лепшую замалёўку пра малую радзіму, паведамілі ў Міністэрстве культуры Беларусі.
Для ўдзелу ў ім трэба зняць відэа-ці фотарэпартаж, які паказвае любімы куток Беларусі ў лепшых ракурсах. Фармат здымкі не абмежаваны, роўна як і працягласць роліка або колькасць фота. Каментары ў кадры і за кадрам вітаюцца. Ацаніць працы змогуць і тэлегледачы, і тыя, хто глядзіць тэлеканал у інтэрнэце.
"Практычна ўсе матэрыялы будуць размешчаны на нашым сайце, на нашым афіцыйным канале YouTube. Мы акажам пэўную піяр-падтрымку ўсім аўтарам сюжэтаў, фатаграфій у сацыяльных сетках, нашых групах. Лепшыя сюжэты будуць прадэманстраваны ў праграме "Раніца. Студыя добрага настрою" і, магчыма, нават у навінах нашага тэлеканала", - распавёў дырэктар дырэкцыі інтэрнет-вяшчання ЗАТ "Сталічнае тэлебачанне" Дзмітрый Партон.
Конкурс праводзіцца да восені. Падрабязныя правілы размешчаны на сайце тэлеканала.
Пераможца конкурсу атрымае магчымасць заняць месца ў тэлевізійнай камандзе СТБ.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.