Вы тут

16 сакавіка Беларуская чыгунка правядзе акцыю “Стоп-заяц!”


Ініцыятарам правядзення акцыі выступіў галіновы камітэт БРСМ магістралі. Прадстаўнікі Беларускай чыгункі арганізуюць комплекс мерапрыемстваў па праверцы наяўнасці праязных дакументаў (білетаў) у пасажыраў цягнікоў рэгіянальных ліній эканом класа.


Фота: БЕЛТА

Кантроль будзе ажыццяўляцца на пероне пры пасадцы або высадцы з транспартнага сродку. Таксама ўдзельнікі акцыі раздадуць пасажырам тэматычныя памяткі. Акрамя работнікаў магістралі ў мерапрыемстве прымуць удзел таксама супрацоўнікі аддзелаў унутраных спраў на транспарце.

Нагадаем, што ў цяперашні час штраф за безбілетны праезд у цягніках гарадскіх ліній складае ад 0,5 да 1 базавай велічыні, у цягніках рэгіянальных ліній -- 0,7 базавай, міжрэгіянальных і міжнародных ліній -- 1 базавую.

Магістраль заклікае пасажыраў адказна ставіцца да карыстання паслугамі чыгуначнага транспарту і своечасова аплачваць праезд.

Сяргей РАСОЛЬКА

Выбар рэдакцыі

Грамадства

Як выхаваць даследчыка за школьнай партай?

Як выхаваць даследчыка за школьнай партай?

Чаму ўсе краіны, якія развіваюць інавацыйную эканоміку, робяць сёння стаўку на STЕM? 

Грамадства

Ці набудуць у гаспадароў старыя хаты?

Ці набудуць у гаспадароў старыя хаты?

Адэльскі сельскі савет, што ў Гродзенскім раёне, можна назваць брамай у Еўрасаюз.