22 Верасень, субота

Вы тут

Выстаўка "Дамскія штучкі” адкрыецца 16 сакавіка ў БДУ


У экспазіцыі будуць прадстаўлены больш за 50 вырабаў з асабістых калекцый супрацоўніц універсітэта, а таксама з фондаў кабінета-музея беларускай традыцыйнай культуры філалагічнага факультэта ўніверсітэта.


Экспанаты з'яўляюцца рэдкімі, а некаторыя з іх выкананы ў адзіным экзэмпляры і па індывідуальнай замове. Уладальніцы аксесуараў набылі іх у час падарожжаў па краінах блізкага і далёкага замежжа. Размова ідзе пра ўпрыгажэнні, вырабленыя майстрамі з Беларусі, Расіі, Літвы, Казахстана, Індыі, Непала, Кітая, Турцыі, Аб'яднаных Арабскіх Эміратаў… Увазе гасцей выстаўкі будуць прадстаўлены завушніцы, бранзалеты, кулоны, пярсцёнкі,  брошкі, слейвы і многія іншыя вырабы з жаночых скрыначак.

Акрамя таго, наведвальнікі ўбачаць экспазіцыю веераў. Пра іх гісторыю, значэнне ва  ўсходняй і заходняй культуры,  а таксама рытуальныя функцыі упрыгожванняў у розных народаў, семантыку і сімволіку жаночых аксесуараў раскажа прафесар філалагічнага факультэта Ірына Казакова.

Выстаўка размесціцца ў будынку філалагічнага факультэта БДУ (вуліца К.Маркса, 31, аўд.319). Усе ахвотныя змогуць наведаць яе бясплатна, але ўваход ажыццяўляецца па папярэднім запісе па тэл.: 8-029-650-98-51. Работа экспазіцыі будзе доўжыцца да 23 сакавіка.

Арганізатарам выстаўкі выступіў Саюз жанчын БДУ.

Надзея НІКАЛАЕВА

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.