Вы тут

«У дамавіну без пары мяне клалі дактары...»


Некалі «Звязда» збірала прыпеўкі...

І збірае зараз. А таму — пішыце! І, калі ласка, спявайце!


Малады ў нас аграном,

Мае новенькі дыплом.

Ды гадае трэці дзень,

Жыта ў полі ці ячмень?

 

Самагонку баба гнала,

Каб хутчэй разжыцца.

Ды такой нервовай стала,

Што ката баіцца.

 

Закачала сілікон

Дзеўка сабе ў грудзі.

У кватэру праз балкон

Зараз лазіць будзе.

 

Намалюю я тату́

Яркую, багатую

На пупок і на пяту

І на «кропку» пятую.

Па ваду хадзілі цёткі,

Разам з ёй — насілі плёткі.

А цяпер праз інтэрнэт

Тое робіць увесь свет!

 

Ой, Малахаў, будзь ласкавы,

Разбярыся ў маіх справах:

Запісаць малому ў таты

Віцьку, Міцьку ці Ігната?

 

Паўтара рубля з зарплаты

Заплаціў у загсе муж.

Я ўсю жытку вінавата

І ніяк не разлічусь!

 

На прыём пайшла па блату

Аддала ўсю зарплату.

Зараз — зубы на паліцу...

Буду голадам лячыцца.

 

Ў дамавіну без пары

Мяне клалі дактары.

А знайшла талковую

І жыву вясёлаю.

Любоў Чыгрынава, г. Мінск

Выбар рэдакцыі

Культура

Акцёр Віктар Манаеў: Жыццё само па сабе з'яўляецца камедыяй

Акцёр Віктар Манаеў: Жыццё само па сабе з'яўляецца камедыяй

Размова пра сучаснае стаўленне да культуры, гастролі Купалаўскага тэатра ў савецкія часы і здымкі ў фільме «Ідзі і глядзі».

Грамадства

Зваршчык з Мсціслава стварае ўнікальныя жалезныя скульптуры

Зваршчык з Мсціслава стварае ўнікальныя жалезныя скульптуры

Аляксандра Папова ў Мсціславе ведаюць усе.

Калейдаскоп

Вясёлыя гісторыі чытачоў

Вясёлыя гісторыі чытачоў

Пра куфэрак и вяртанне блуднага мужа.