У Салігорску трэці раз пройдзе адкрыты фестываль — форум тэатральнага мастацтва «ТЭАТРОН lіne — 2018».
З 22 па 25 сакавіка самі тэатры прыедуць у шахцёрскую сталіцу. І не толькі з Беларусі, але і з іншых краін. Цяпер ідзе прыём заявак ад удзельнікаў: дзіцячых тэатраў, дзе акцёрам па 10—16 гадоў, студэнцкіх і маладзёжных аматарскіх тэатраў (узрост удзельнікаў да 35 гадоў). На форуме плануецца правядзенне дзвюх асобных праграм: «ТЭАТРОН lіne для малых» — спектаклі і інтэрактыўныя мерапрыемствы для дзяцей ад 3 да 7 гадоў, а таксама навінка —
«ТЭАТРОН over a cup of tea», якая прадугледжвае спектаклі і інтэрактыўныя праграмы па творах англійскіх пісьменнікаў.
Арганізатары фэсту — Салігорская дзіцячая школа мастацтваў і яе сямейны тэатр «Чамадан», кафедра рэжысуры і цэнтр эксперыментальнай рэжысуры «Адкрытая пляцоўка» Беларускай дзяржаўнай акадэміі мастацтваў, Цэнтр беларускай драматургіі Рэспубліканскага тэатра беларускай драматургіі.
Таццяна ЛАЗОЎСКАЯ
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.