Адкрыўся першы ў краіне факультэт кітайскай мовы і культуры

Першы ў Беларусі факультэт кітайскай мовы і культуры адкрыўся ў Мінскім дзяржаўным лінгвістычным універсітэце.

Ён будзе рыхтаваць выкладчыкаў, перакладчыкаў і спецыялістаў па міжкультурнай камунікацыі ў сферы знешнеэканамічных сувязяў, сувязяў з грамадскасцю і міжнароднага турызму. Факультэт кітайскай мовы і культуры мае цесныя кантакты з Усходне-Кітайскім педагагічным універсітэтам, Пекінскім універсітэтам замежных моў, Цяньцзіньскім універсітэтам замежных моў і Шанхайскім універсітэтам замежных моў. У структуры факультэта будуць функцыянаваць дзве кафедры: кафедра тэорыі і практыкі кітайскай мовы і кафедра мовазнаўства і прафесійнай камунікацыі.

Надзея НІКАЛАЕВА