П'яны мужчына з нажом напаў на адміністратара залы гульнявых аўтаматаў у Віцебску. Падрабязнасці інцыдэнту паведаміў афіцыйны прадстаўнік УУС Віцебскага аблвыканкама Віталь Сапроненка.
Злачынства было здзейснена каля 2-й гадзіны ночы 13 сакавіка. У міліцыю аб гэтым паведаміла адміністратар ігральнай установы, размешчанай на вуліцы Чкалава. Жанчына распавяла, што разбойнік, пагражаючы нажом, завалодаў выручкай залы гульнявых аўтаматаў у Br1 тыс. 430.
За справу ўзяліся супрацоўнікі крымінальнага вышуку УУС і Першамайскага РАУС. Да канца дня 13 сакавіка міліцыянеры затрымалі мужчыну, які здзейсніў разбой. Ім аказаўся 30-гадовы віцяблянін, раней неаднаразова судзімы, які не мае пастаяннага месца працы (ён перыядычна ад'язджаў на заробкі ў Расію).
Напярэдадні нападу мужчына праводзіў час у ігральнай установе, дзе прайграў Br30. "Паколькі выйграць не атрымалася, то п'яны віцяблянін вырашыў пажывіцца грашыма іншым спосабам. Дачакаўся, калі залу пакіне апошні наведвальнік, і зайшоў туды з нажом", - сказаў Віталь Сапроненка.
Знайсці разбойніка атрымалася дзякуючы запісам камер відэаназірання, а таксама таму, што ва ўсіх наведвальнікаў ігральных устаноў перапісваюцца пашпартныя дадзеныя. "У дзень затрымання мужчына перасоўваўся па горадзе выключна на таксі, вечарам збіраўся ехаць у Расію. Знайшлі яго ў гасцях у знаёмай", - адзначыў афіцыйны прадстаўнік УУС.
Гарадскім аддзелам Следчага камітэта заведзена крымінальная справа па ч.2 арт.207 КК Беларусі.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!