Вы тут

На Міншчыне туман, ДАІ просіць кіроўцаў быць уважлівымі


У цяперашні час на дарогах Мінскай вобласці неспрыяльная абстаноўка з-за туману, прычым на асобных участках дарог бачнасць, асабліва паблізу рэк, вадаёмаў, у нізінах, менш за 300 метраў.


Фота: cherkasov.name

З мэтай бяспекі на дарогах рэкамендуецца аўтаўладальнікам адрэгуляваць святло фар, што палепшыць бачнасць у цёмны час сутак і выключыць магчымасць асляплення кіроўцаў сустрэчнага транспарту. Неабходна памятаць, што менавіта цяпер, пры нестабільнасці умоў надвор'я, асаблівую небяспеку ўяўляюць галалёдзіца і туман. Таму рэкамендуецца кіроўцам пры руху больш уважліва ацэньваць дарожную абстаноўку, выбіраць бяспечную хуткасць, праяўляць асцярожнасць і павышаную ўвагу. Пры руху ўключыць блізкае святло фар або процітуманыя фары!

Паважаныя вадзіцелі, па магчымасці выключыце прыпынакі на ўзбочынах дарог, раюць эксперты аўтаінспекцыі. Калі ж у гэтым ёсць неабходнасць, настойліва раім прымаць меры для забеспячэння ўласнай бяспекі. У выпадку неспадзяванага прыпынку транспартнага сродку ў цёмны час сутак, ва ўмовах недастатковай бачнасці, кіроўцам, пасажырам у мэтах сваёй жа бяспекі рэкамендавана апранаць святлоадбівальныя камізэлькі павышанай бачнасці. Пешаходам таксама лепш быць пільнымі і ў абавязковым парадку абазначаць сябе ў цёмны час сутак святлоадбіўнымі элементамі.

Сяргей КУРКАЧ

Выбар рэдакцыі

Грамадства

Як выхаваць даследчыка за школьнай партай?

Як выхаваць даследчыка за школьнай партай?

Чаму ўсе краіны, якія развіваюць інавацыйную эканоміку, робяць сёння стаўку на STЕM? 

Грамадства

Ці набудуць у гаспадароў старыя хаты?

Ці набудуць у гаспадароў старыя хаты?

Адэльскі сельскі савет, што ў Гродзенскім раёне, можна назваць брамай у Еўрасаюз.