Вы тут

Працавалі ў Чэхіі? Маеце права на пенсію


Беларусь і Чэхія ўчора падпісалі дагавор аб пенсійным забеспячэнні паміж дзвюма краінамі.


Дагавор распаўсюджваецца на ўсіх, хто жыве і працуе ці працаваў на тэрыторыі Беларусі і Чэхіі. Яго мэтай з'яўляецца забеспячэнне фарміравання пенсійных правоў за перыяды працы на тэрыторыі названых дзяржаў і рэалізацыі гэтых правоў.

Як адзначаюць у Мінпрацы і сацабароны, з падпісаннем гэтага дакумента Беларусь і Чэхія дамаўляюцца рэгуляваць выплату ўнёскаў на абавязковае дзяржаўнае сацыяльнае страхаванне (пенсійнае забеспячэнне, дапамогу па часовай непрацаздольнасці, дапамогу па цяжарнасці і родах і інш.). Таксама будуць рэгулявацца прызначэнне і выплата пенсій (па ўзросце, за выслугу гадоў, па інваліднасці, з нагоды страты карміцеля).

Паводле дагавора, плацельшчыкі страхавых унёскаў павінны выконваць правілы, што дзейнічаюць у дзяржаве, у якой яны працуюць. Пенсіі будуць прызначацца кожнай дзяржавай у адпаведнасці са сваім заканадаўствам за стаж, набыты на яе тэрыторыі, і выплачвацца на тэрыторыі дзяржавы пражывання грамадзяніна.

У Мінпрацы і сацабароны адзначаюць, што ў цяперашні час вядзецца работа над праектамі такіх дагавораў таксама з Польшчай і Эстоніяй.

Святлана Бусько

Выбар рэдакцыі

Культура

Што паглядзець у брэсцкім музеі выратаваных каштоўнасцяў

Што паглядзець у брэсцкім музеі выратаваных каштоўнасцяў

Брэсцкі музей выратаваных каштоўнасцяў можна назваць мясцовым Луўрам — калі ўвогуле дарэчы параўноўваць адну культуру з іншай.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

— Хлопцы, не біце, я — ва-а-аш!..

Грамадства

Як дэпутаты вырашаюць праблемы жыхароў Брэсцкай вобласці

Як дэпутаты вырашаюць праблемы жыхароў Брэсцкай вобласці

У мясцовых Саветах Брэсцкай вобласці ажыццяўляюць дэпутацкую дзейнасць 2962 дэпутаты. 

Грамадства

Чым жыве найлепшая маладая сям'я штурмавой авіяцыйнай базы ў Лідзе

Чым жыве найлепшая маладая сям'я штурмавой авіяцыйнай базы ў Лідзе

Абодва яны спяваюць, пішуць вершы пра сваю сям'ю і іграюць на музычных інструментах.