Вы тут

Аб'яўлены конкурс на суісканне Прэміі Урада за якасць


У 2018 годзе аб'яўлены  дваццаты конкурс на суісканне Прэміі Урада Рэспублікі Беларусь за дасягненні ў галіне якасці. Ён праводзіцца штогод. Аб гэтым паведамляе Дзяржаўны камітэт па стандартызацыі Рэспублікі Беларусь.


Фота: sputnik.by

Прэмію могуць атрымаць юрасобы незалежна ад формы ўласнасці. На конкурсе ацэньваюцца дасягненне значных вынікаў у галіне якасці і канкурэнтаздольнасці прадукцыі, укараненне інавацыйных тэхналогій і сучасных метадаў менеджменту, эфектыўнае і сацыяльна-адказнае вядзенне бізнесу і інш.

Прэмія асноўваецца на двух крытэрыях - магчымасцях і выніках. Першыя характарызуюць ролю лідара ў арганізацыі, стратэгію, партнёрства і рэсурсы, працэсы, прадукцыю і паслугі. Дасягненне вынікаў ацэньваецца з пункту гледжання задавальнення патрэбаў і чаканняў спажыўцоў, уласнага персаналу, знешніх зацікаўленых бакоў і асноўнай дзейнасці.

Узнагарода прысуджаецца арганізацыям з колькасцю працуючых да 250 чалавек, ад 250 да 1500 чалавек, а таксама звыш 1500 чалавек.

У конкурсе могуць удзельнічаць прадпрыемствы, якія займаюцца вытворчасцю нехарчовай бытавой, харчовай і сельскагаспадарчай прадукцыі, стварэннем прадукцыі вытворча-тэхнічнага прызначэння (акрамя ўзбраення і ваеннай тэхнікі). Акрамя таго, прэмію могуць атрымаць юрасобы, якія аказваюць паслугі і выконваюць пэўныя віды работ.

Пераможцаў вызначаць па выніках праверкі прадстаўленых матэрыялаў і шляхам правядзення экспертызы на месцах. Будзе праводзіцца ацэнка ў балах.

- Для пацверджання звання лаўрэата конкурсу арганізацыям неабходна прадэманстраваць паляпшэнне дзейнасці ў параўнанні з вынікамі, дасягнутымі пры папярэднім удзеле ў конкурсе, удзел у аналагічных конкурсах у галіне якасці ў СНД і Еўропе, меры па прапагандаванні дасягненняў у галіне якасці і эфектыўнага менеджменту і распаўсюджванні перадавога вопыту, - гаворыцца на сайце Дзяржстандарта.

Пераможцаў узнагародзяць на ўрачыстай цырымоніі. Лаўрэатам уручаць дыплом і сімвал Прэміі, а таксама дадуць права выкарыстоўваць выявы эмблемы прэміі пры маркіроўцы прадукцыі і на яе ўпакоўцы, у рэкламных мэтах і дакументацыі на працягу трох гадоў.

Звесткі аб пераможцах конкурсу размяшчаюцца на сайце Дзяржстандарта, а таксама ўключаюцца ў каталог, які выдаецца штогод і рассылаецца ў прадстаўніцтвы Рэспублікі Беларусь за мяжой.

Заяўкі і матэрыялы для ўдзелу ў конкурсе прымаюцца да 1 ліпеня 2018 года ў сакратарыят Камісіі, сфарміраваны пры Дзяржстандарце.

Неабходныя кансультацыі можна атрымаць у Беларускім дзяржаўным інстытуце стандартызацыі і сертыфікацыі па адрасе 220113, г. Мінск, вул. Мележа, 3 і па тэлефоне +375 17 269 69 64.

Дар'я СПЕВАК

Выбар рэдакцыі

Грамадства

Чым жыве найлепшая маладая сям'я штурмавой авіяцыйнай базы ў Лідзе

Чым жыве найлепшая маладая сям'я штурмавой авіяцыйнай базы ў Лідзе

Абодва яны спяваюць, пішуць вершы пра сваю сям'ю і іграюць на музычных інструментах.

Грамадства

Франтавы повар аб тым, чым кармілі чырвонаармейцаў

Франтавы повар аб тым, чым кармілі чырвонаармейцаў

Разам з карэспандэнтам «Звязды» ветэран Вялікай Айчыннай вайны франтавы повар Ганна Воранава ўспомніла пра самыя шчаслівыя і самыя горкія моманты жыцця.

Эканоміка

Як зберагчы ўласныя фінансы ў падарожжы

Як зберагчы ўласныя фінансы ў падарожжы

Неад'емным аксесуарам вандроўкі сёння з'яўляецца плацежная картка.

Грамадства

Ці лёгка быць маладым дырэктарам школы?

Ці лёгка быць маладым дырэктарам школы?

Поспех установы адукацыі — заслуга педкалектыву, а няўдача — памылка яе кіраўніка.