У Брэсце аб'яўлены месячнік па навядзенні парадку. І не проста аб'яўлены, а некаторыя службы, установы і арганізацыі прыступілі да прыборкі тэрыторыі. Снег сышоў, падсохла, значыць, самы час вымесці леташняе смецце і сустрэць вясну чыстымі вуліцамі і дварамі.
Першымі на вясновую работу выйшлі работнікі гарадской камунальнай гаспадаркі. Яны прыбіралі тэрыторыю гарадскога пляжа ўздоўж набярэжнай Францыска Скарыны. Гэта адно з любімых месцаў адпачынку брастаўчан у цэнтры горада.
Далей будзе арганізаваны працоўны марафон па прывядзенні ў парадак вуліц, двароў, сквераў і паркаў, санітарная ўборка зон гарадскіх лесапаркаў і месцаў масавага адпачынку. Летась у гэтай рабоце прынялі ўдзел многія працоўныя калектывы, прадстаўнікі маладзёжных арганізацый, студэнты і школьнікі, прайшлі арганізаваныя гарвыканкамам суботнікі. На іх добраахвотнікі з ліку гараджан зрабілі вялікую работу па ўпрыгажэнні і паляпшэнні горада. Сёлета работа прадоўжыцца.
Святлана ЯСКЕВІЧ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».