Вы тут

Стаўка рэфінансавання захоўваецца на ўзроўні 10,5%


Нацыянальны банк па выніках штоквартальнага пасяджэння праўлення 14 сакавіка пакінуў без змены стаўку рэфінансавання і працэнтныя стаўкі па аперацыях рэгулявання ліквіднасці, заявілі ў прэс-службе рэгулятара.


«Інфляцыя знаходзіцца ў межах прагнознай траекторыі», — адзначаюць у Нацбанку. У лютым 2018 года прырост спажывецкіх цэн у гадавым вымярэнні склаў 4,9 %. У наступныя месяцы чакаецца захаванне інфляцыі ў гадавым вымярэнні каля 5 %. «Эканамічная актыўнасць працягвае аднаўляцца. Дэзынфляцыйны ўплыў з боку фактараў попыту памяншаецца перш за ўсё за кошт апераджальнага росту заробкаў над ростам прадукцыйнасці працы», — падкрэсліваюць у галоўным банку краіны, адзначаючы таксама захаванне высокіх інфляцыйных чаканняў эканамічных суб'ектаў. «Іх узровень перавышае мэтавы параметр па інфляцыі», — прызнаюць эксперты банка.

Спецыялісты таксама адзначаюць, што ў пачатку гэтага года назіраецца прагназаванае паскарэнне тэмпаў росту сярэдняй шырокай грашовай масы — да 18,4 % у гадавым вымярэнні ў лютым. «Такім чынам, рашэнне аб захаванні працэнтных ставак адлюстроўвае мэтазгоднасць падтрымання нейтральнасці грашова-крэдытных умоў», — гаворыцца ў паведамленні.

Наступнае штоквартальнае пасяджэнне праўлення Нацыянальнага банка па грашова-крэдытнай палітыцы адбудзецца 20 чэрвеня.

Сяргей КУРКАЧ

Выбар рэдакцыі

Грамадства

Балерына Юлiя Дзятко: Дзецi кар'еры не перашкода, калi i работа любiмая, i дзецi жаданыя

Балерына Юлiя Дзятко: Дзецi кар'еры не перашкода, калi i работа любiмая, i дзецi жаданыя

Яны пазнаёмiлiся ў 10-гадовым узросце ў харэаграфiчным вучылiшчы i з таго часу не расстаюцца.

Грамадства

Не атрымалася паехаць на мора? Займiцеся складаннем радаводу!

Не атрымалася паехаць на мора? Займiцеся складаннем радаводу!

Колькасць людзей, якiя спрабуюць адшукаць свае каранi, з кожным годам павялiчваецца. 

Грамадства

Першая дапамога дзецям пры траўмах. Што трэба ведаць?

Першая дапамога дзецям пры траўмах. Што трэба ведаць?

​Дастаткова часта дзецi трапляюць у крытычныя сiтуацыi праз сваю цiкаўнасць i павышаную актыўнасць.