У гэтыя выхадныя на тэрыторыі некаторых абласцей краіны прагназуюцца неспрыяльныя ўмовы надвор'я ў выглядзе галалёдзіцы, выпадзення снегу, значнага паніжэння тэмпературы паветра. Супрацоўнікі Дзяржаўтаінспекцыі заклікаюць усіх удзельнікаў дарожнага руху безумоўна выконваць Правілы дарожнага руху і выконваць павышаныя меры бяспекі на непрадказальнай, хаця і сакавіцкай, але ўсё ж зімовай дарозе.
У першую чаргу неабходна выбіраць бяспечную хуткасць, пазбягаць рэзкіх тармажэнняў, асабліва на закругленнях дарог, павялічыць дыстанцыю і бакавы інтэрвал руху, адмовіцца ад здзяйснення неабдуманых манеўраў.
Пешаходы таксама павінны праяўляць павышаную асцярожнасць пры ўдзеле ў дарожным руху. Пераходзіць дарогу толькі ва ўстаноўленых месцах. Перад выхадам на праезную частку пераканацца ў тым, што ўсе аўтамабілі паспелі спыніцца. Акуратна набліжацца да краю праезнай часткі, каб не трапіць пад колы. Быць уважлівымі ў дварах. Вызначаць сябе святлоадбіўнымі элементамі.
У сувязі са складанымі і небяспечнымі метэаралагічнымі з'явамі праца Дзяржаўтаінспекцыі арганізавана па ўзмоцненым варыянце нясення службы. Асабісты склад дарожна-патрульнай службы арыентаваны на аказанне дапамогі ўдзельнікам дарожнага руху (кіроўцам і пешаходам) і забеспячэнне бяспечных умоў руху.
Супрацоўнікі спецузвадоў і спецпадраздзяленняў ДПС акажуць практычную дапамогу раёнам з найбольш неспрыяльнай дарожна-транспартнай абстаноўкай. Пры гэтым у ходзе адпрацовак асноўныя намаганні будуць сканцэнтраваны на выяўленні кіроўцаў, якія знаходзяцца ў стане ап'янення і якія не маюць права кіравання, а таксама спыненні парушэнняў, якія здзяйсняюцца нецвярозымі пешаходамі.
Сяргей РАСОЛЬКА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
