26 Верасень, серада

Вы тут

У Мінску прэзентавалі кнігу пра трагедыю Хатыні


Прэзентацыя кнігі "Хатынь. Трагедыя беларускага народа" адбылася сёння ў Нацыянальнай бібліятэцы Беларусі.


Фота: nikantravel.ru

Кніга выйшла на трох мовах - беларускай, рускай і англійскай - у выдавецтве "Беларуская энцыклапедыя імя Петруся Броўкі" да 75-годдзя трагедыі Хатыні. Гэта навукова-папулярнае выданне з дакументальнай асновай. У ім выкладзены гістарычныя звесткі пра Хатынь пачынаючы з XVI стагоддзя, распавядаецца аб трагедыі гэтай і іншых беларускіх вёсак, знішчаных нацыстамі ў Вялікую Айчынную вайну, гісторыю стварэння мемарыяльнага комплексу "Хатынь". Тыраж склаў 1,2 тыс. асобнікаў.

Аўтар кнігі, дырэктар мемарыяльнага комплексу "Хатынь" Артур Зельскі падчас прэзентацыі распавёў, што працаваў над ёй некалькі гадоў. Ён прызнаўся, што складаней за ўсё было працаваць з дакументамі: даводзілася часам адкладаць працу, таму што пачуцці ад прачытанага залівалі. Таксама Артур Зельскі падзяліўся планамі з нагоды стварэння кнігі пра трагедыю Хатыні для дзяцей малодшага і сярэдняга школьнага ўзросту.

"Попел Хатыні павінен стукаць у нашыя сэрцы. Гэта не толькі помнік спаленым вёскам - гэта помнік усім мірным людзям Беларусі, якія сталі ахвярамі агрэсіі, войны, нацызму. І яшчэ помнік дзецям, таму што яны становяцца першымі ахвярамі любой вайны", - падкрэсліў аўтар .

Плануецца, што кнігу можна будзе купіць у мемарыяльным комплексе "Хатынь". Акрамя таго, яна з'явіцца ў бібліятэках Мінскай вобласці.

Мемарыяльны комплекс "Хатынь" для ўсяго свету - сімвал незлічоных ахвяр, пакут і мужнасці беларускага народа ў Вялікай Айчыннай вайне. 22 сакавіка 1943 года гітлераўскія карнікі знішчылі вёску, спалілі жыўцом і расстралялі амаль усіх яе жыхароў - 149 чалавек, у тым ліку 75 дзяцей. Лёс Хатыні падзялілі сотні іншых беларускіх вёсак.

БЕЛТА

Дадаць каментар

Выбар рэдакцыі

Палітыка

Уладзімір Андрэйчанка расказаў пра найбольш значныя законапраекты

Уладзімір Андрэйчанка расказаў пра найбольш значныя законапраекты

 «Толькі агульнымі намаганнямі мы зможам супрацьстаяць няпростым выклікам часу».

Грамадства

Як у Беларусі абясшкоджваюць боепрыпасы

Як у Беларусі абясшкоджваюць боепрыпасы

​Колішняя Беларуская ваенная акруга лічылася адной з самых магутных у СССР.

Грамадства

Шчырая размова з вядомым педагогам пра бацькоўскія сумненні і страхі

Шчырая размова з вядомым педагогам пра бацькоўскія сумненні і страхі

«Калі ў вас адкрыўся рот, каб накрычаць на дзіця, спыніцеся хоць на секунду…» 

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі.