Прэзідэнт адзначыў, што партнёрства паміж краінамі дасягнула найвышэйшага ўзроўню развіцця ў гісторыі двухбаковых адносін.
Прэзідэнт Беларусі Аляксандр Лукашэнка павіншаваў Сі Цзіньпіна з пераабраннем на пасаду Старшыні Кітайскай Народнай Рэспублікі, паведамілі ў прэс-службе беларускага лідара.
«Пад Вашым мудрым кіраўніцтвам народ Кітая упэўнена рэалізуе ў духу ідэі аб «сацыялізме з кітайскай спецыфікай ў новую эпоху» грандыёзныя «мэты двух стагоддзяў», накіраваныя на рост дабрабыту грамадзян і ажыццяўленне мары аб вялікім адраджэнні нацыі», - гаворыцца ў віншаванні.
Кіраўнік беларускай дзяржавы адзначыў, што партнёрства паміж краінамі дасягнула найвышэйшага ўзроўню развіцця ў гісторыі двухбаковых адносін. «Дзякуючы канструктыўнага дыялогу, ўзаемнага даверу і павагі інтарэсаў адзін аднаго мы здолелі закласці трывалы падмурак для эфектыўнай рэалізацыі намечаных сумесных праектаў», - падкрэсліў ён.
Прэзідэнт таксама выказаў упэўненасць у поспеху саміту Шанхайскай арганізацыі супрацоўніцтва, які пройдзе пад старшынствам Сі Цзіньпіна ў горадзе Ціндаа і стане, без сумневу, важнай вехай у працы гэтага ўплывовага міжнароднага аб'яднання. «Спадзяюся на магчымасць нашай сустрэчы ў рамках саміту, а таксама запрашаю Вас наведаць Беларусь у любы зручны час», - адзначыў Кіраўнік дзяржавы.
Аляксандр Лукашэнка пажадаў Сі Цзіньпіну добрага здароўя, шчасця і нязменных поспехаў у адказнай дзяржаўнай дзейнасці на карысць народа Кітая і ўмацавання дружалюбных беларуска-кітайскіх адносін.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».