Вы тут

«Жанчына года-2017»: лідар, гаспадыня, матуля


 У Мінску назвалі імёны самых паспяховых, таленавітых і міласэрных жанчын краіны. 


- Сёння Палац рэспублікі ператварыўся ў аранжэрэю: тут столькі прыгожых і абаяльных жанчын, што аж галава пачынае кружыцца, - адзначыў старшыня Дзяржаўнага ваенна-прамысловага камітэту генерал-майор Алег Двігалёў, вітаючы ўдзельніц і гасцей фіналу Х рэспубліканскага конкурсу “Жанчына года”.

На ўрачыстасць з’ехалася некалькі соцень беларусак з усіх куткоў краіны. Цікава, што ганаровае званне “Жанчына года-2017” атрымалі адразу 42 прадстаўніцы прыгожага полу!

- Гэта агульная перамога ўсіх абласцей і сталіцы. Роля конкурсу – паказаць самых яркіх і цікавых жанчын Беларусі. Іх ўнёсак у развіццё краіны вялізны. Мы імкнемся, каб ён стаў больш заўважным і быў прызнаны, - распавяла намеснік старшыні Савета Рэспублікі Нацыянальнага сходу, старшыня АА “Беларускі саюз жанчын” Марыянна Шчоткіна.

Пераможцаў абіралі ў шасці намінацыях, якія падкрэсліваюць шматграннасць жаночай натуры  - “За лідарства і паспяховае кіраўніцтва”, “Выратоўваючы жыццё”, “Матчына слава”, “Жанчына ў навуцы”, “Гаспадыня вёскі”, “Духоўнасць і культура”. Дыпломы, кветкі і падарункі атрымалі вельмі розныя жанчыны: бізнэс-вумэн і дырэктары прадпрыемстваў, урачы і настаўніцы, даследчыцы і дактары навук, старшыні сельсаветаў і брыгадзіры, работнікі культуры, шматдзетныя матулі.

Кожная з іх зрабіла нешта выключнае для Беларусі і дзякуючы конкурсу пра гэта даведаюцца многія. Намаганнямі акушэра-гінеколага Ірыны Казлоўскай удалося не дапусціць аніводанага аборта за год у Лагойскім районе, дзе яна працуе. Авацыі выклікала рашучасць Таццяны Рамашка, якая адважылася стаць мамай для васьмярых прыёмных дзяцей.

Стаць жанчынай года можа абсалютна любая беларуска, незалежна ад таго, колькі ёй гадоў, дзе яна жыве, кім працуе. Галоўнае – паказваць высокія дасягненні ў прафесійнай або грамадскай дзейнасці, сумленна выхоўваць дзяцей і моладзь, рабіць значны ўнёсак у развіццё вёскі, духоўнасці і культуры, навукі.

Выбар рэдакцыі

Спорт

Якаў Зянько: На лёдзе даю  волю эмоцыям

Якаў Зянько: На лёдзе даю волю эмоцыям

Ён — адзін з нямногіх прадстаўнікоў беларускага фігурнага катання на міжнароднай арэне. 

Грамадства

Чаму карты на беларускай мове — гэта стапрацэнтны эксклюзіў?

Чаму карты на беларускай мове — гэта стапрацэнтны эксклюзіў?

Першай грунтоўнай работай айчынных картографаў па-беларуску стаў Нацыянальны атлас, выпушчаны ў 2002 годзе.

Культура

Што агульнага паміж творчасцю і «табурэткай»?

Што агульнага паміж творчасцю і «табурэткай»?

Дзе можна асвоіць літаратурнае майстэрства? Як становяцца пісьменнікамі?

Грамадства

Асноўная задача — захаваць біялагічную сям'ю

Асноўная задача — захаваць біялагічную сям'ю

«Звязда» звярнулася па каментарыі аб рэалізацыі Дэкрэта Прэзідэнта № 18 да старшынь профільных камісій абедзвюх палат Нацыянальнага сходу Беларусі.