Цырымонія закрыцця зімовых Паралімпійскіх гульняў адбылася сёння ў Пхёнчхане.
Маляўнічае шоу пачалося з музычнага прадстаўлення нацыянальнай карэйскай культуры. Адным з самых запамінальных момантаў на Алімпійскім стадыёне Пхёнчхана стаў парад атлетаў, у якім прынялі ўдзел і беларускія паралімпійцы. Перад пачаткам парада на арэне ў яркай ілюмінацыі заблішчэлі сцягі ўсіх краін, якія ўдзельнічалі ў Паралімпіядзе.
Пасля завяршэння шэсця атлетаў адбылася перадача сцяга Гульняў наступнай сталіцы Паралімпіяды. Мэр Пхёнчхана ўручыў сцяг Гульняў прэзідэнту Міжнароднага алімпійскага камітэта Эндру Парсансу, які ў сваю чаргу перадаў яго мэру Пекіна. Сталіца Кітая стане наступнай краінай-гаспадыняй зімовых Алімпійскіх і Паралімпійскіх гульняў.
Кіраўнік Аргкамітэту Паралімпійскіх гульняў 2018 Лі Хі Бом у сваім выступленні падзякаваў усім удзельнікам, валанцёрам, журналістам за арганізацыю сапраўднага свята спорту.
Уражлівай атрымлівалася і прэзентацыя пекінскай Паралімпіяды. Сімвал наступных Гульняў складаецца з іерогліфа, які азначае "лётаць". Гэта заклік атлетам з абмежаванымі магчымасцямі ўвасабляць свае мары, нягледзячы на ўсе цяжкасці.
Завяршылася цырымонія закрыцця выступленнем папулярнай карэйскай спявачкі Алі. Гледачы сустрэлі яе гучнымі апладысментамі.
На XII зімовых Паралімпійскіх гульнях у Пхенчхане зборная Беларусі заваявала 12 узнагарод (чатыры залатыя, чатыры сярэбраныя і чатыры бронзавыя). Мінулыя Гульні сталі самымі паспяховымі для беларускіх атлетаў.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.