Вы тут

Раім схадзіць


Выставы Future LIVE і «Позірк», міжнародны велікодны фестываль «Радасць», інклюзіўнае сямейнае свята «Вясновы калейдаскоп» — афіша «Звязды» з 19 па 25 сакавіка.


Выстава Future LIVE! 

Дзе: ГЗЦ «Дана Мол» (вул. П. Мсціслаўца, 11)

Калі: па 15 ліпеня

Колькі каштуе: 15 р.

Выстава Future LIVE рэалізавана ў фармаце Educatement — гэта і забава, і навучанне адначасова. Тут наведвальнікі ўбачаць, як зладжаны свет вакол нас, навучацца ўзаемадзеянню з рэальнасцю і даведаюцца, як правільна развіць крэатыўнае мысленне.

Future LIVE — прастора, дзе і дарослыя, і дзеці правядуць час ярка і насычана.


Выстава «Тэрыторыя зямных надзей»

Дзе: Нацыянальны мастацкі музей (вул. Леніна, 20)

Калі: па 27 мая

Колькі каштуе: удакладняць у касе

У экспазіцыі прадстаўлены творы традыцыйнага карэйскага жывапісу Мінхва, датаваныя XIX — пачаткам XX стагоддзя.

«Мінхва» даслоўна перакладаецца з карэйскага мовы як «народны жывапіс». У Карэі ён развіваўся паралельна з жывапісам афіцыйным: майстры Мінхва дазвалялі сабе больш стылёвай свабоды, маглі эксперыментаваць.

Экспазіцыя складзена з 27 прадметаў, якія належаць да калекцыі музея Кахве (Сеул). Скруткі і дэкаратыўныя шырмы паслядоўна раскрываюць дзіўны жыццёвы ўклад карэйцаў, у якім разам сплятаюцца міфалогія, рэлігія і традыцыі.


Фотавыстава «Позірк»

Дзе: Мастацкая галерэя Міхаіла Савіцкага (пл. Свабоды, 15)

Калі: з 21 сакавіка па 18 красавіка

Колькі каштуе: 2 р.

У экспазіцыі будзе прадстаўлена больш за 40 работ фатографа — выхадца з Беларусі Леа Ціма. Большая частка твораў выставы прысвечана Парыжу — гораду, у які імкнуліся ўсе, хто цікавіўся фатаграфіяй з часоў вынаходкі дагератыпіі Жакам Луі Дагерам.


Міжнародны велікодны фестываль «Радасць»

Дзе: Палац мастацтваў (вул. Казлова, 3)

Калі: з 22 сакавіка па 1 красавіка

Колькі каштуе: бясплатна

Фестываль аб'яднае ў сабе духоўную, культурную, дзіцячую і дабрачынную праграмы, а таксама велікодны кірмаш падарункаў, на якім будуць прадстаўлены вырабы манастыроў і храмаў з Беларусі, Расіі, Украіны, Малдовы, Сербіі, Чарнагорыі.

Гасцей чакаюць: займальная праграма для дзяцей, творчыя пляцоўкі майстар-класаў, вячэрнія канцэрты і сустрэчы з цікавымі людзьмі. Будзе арганізавана фотагалерэя, пройдуць акцыя «Размалюем велікоднае яйка» і традыцыйная дабрачынная акцыя. 


Інклюзіўнае сямейнае свята «Вясновы калейдаскоп»

Дзе: Renaissance Minsk Hotel (пр-т Дзяржынскага, 1Е)

Калі: 25 сакавіка, 14:00

Колькі каштуе: бясплатна

Інклюзіўнае сямейнае свята «Вясновы калейдаскоп» прымеркавана да Міжнароднага дня чалавека з сіндромам Даўна (21 сакавіка).

У гэты дзень вас чакаюць творчыя выступленні дзіцячых калектываў і артыстаў беларускай эстрады, дэманстрацыя калекцый адзення для дзяўчынак і хлопчыкаў, а таксама яркае забаўляльнае шоу.

Вядучы святочнага мерапрыемства — Антон Мартыненка.


Выстава «Вясна ўражанняў»

Дзе: Галерэя Міхаіла Савіцкага (пл. Свабоды, 15)

Калі: па 22 красавіка

Колькі каштуе: 10 р.

3 сакавіка ў Мастацкай галерэі Міхаіла Савіцкага адкрылася новая вялікая персанальная выстава вядомага расійскага мастака Нікаса Сафронава пад назвай «Вясна ўражанняў». Яна складаецца з больш чым 100 жывапісных і графічных работ: партрэтаў дзяржаўных дзеячаў і зорак сусветнага шоу-бізнесу, сімвалісцкіх і кубістычных кампазіцый, а таксама палотнаў у тэхніцы DreamVision, за якую мастак быў уключаны ў «Кнігу рэкордаў Гінеса».


Выстава графікі Сальвадора Далі. «Боская камедыя»

Дзе: Нацыянальны гістарычны музей (вул. К. Маркса, 12)

Калі: па 1 мая, 11:00-19:00

Колькі каштуе: 10 р., 8 р. — студэнты, 5 р. — пенсіянеры і школьнікі, дзеці да 7 гадоў — бясплатна

Сто арыгінальных графічных работ, прадстаўленых на выставе, паходзяць з прыватнай калекцыі Андрэа Пантальці і былі дастаўлены з Рыма ў Мінск прамым рэйсам авіякампаніі «Белавія».

Ілюстрацыі Далі да «Боскай камедыі» прызнаныя лепшымі творамі мастака ў галіне кніжнай графікі і лепшымі ілюстрацыямі несмяротнай кнігі Дантэ. Каштоўным дадаткам выставы і калекцыі з'яўляецца тытульны ліст «Боскай камедыі», на якім у 1965 годзе Сальвадор Далі пакінуў аўтограф і малюнак шарыкавай ручкай.

Да выставы падрыхтавана суправаджальная праграма адукацыйнага характару, дзе спецыялісты раскажуць пра спадчыну Дантэ, адбудуцца чытанні «Боскай камедыі», прагляды фільмаў і лекцыі, прысвечаныя інтэрпрэтацыі кнігі ў іншых відах мастацтва, а таксама асобе Сальвадора Далі і працэсу стварэння ілюстрацый.


Выстава «Імпрэсіянізм. Live»

Дзе: культурны цэнтр Ok16 (вул. Кастрычніцкая, 16)

Калі: па 30 красавіка

Колькі каштуе: ад 8 р.

Выстава «Імпрэсіянізм. Live» — гэта ўнікальная магчымасць пагрузіцца ў эпоху імпрэсіянізму ў фармаце мультымедыйнага праекта з сюжэтнай лініяй і мноствам спецыяльных анімацыйных і гукавых эфектаў.

У экспазіцыі ажывае больш за 100 карцін, звязаных сюжэтнай лініяй. Для больш дэталёвага знаёмства з асобамі мастакоў і разумення іх характараў будзе зроблена галерэя з партрэтамі майстроў, гісторыямі іх жыцця і творчасці.

Праект распрацаваны спецыялістамі з трох краін: Беларусі, Літвы, Вялікабрытаніі.

Выбар рэдакцыі

Грамадства

Пераможца «Жанчыны года-2018»: З трыма дзецьмі можа справіцца кожная пара

Пераможца «Жанчыны года-2018»: З трыма дзецьмі можа справіцца кожная пара

Тры гады таму прозвішча Трыкоза ўжо было на слыху.

Грамадства

Мэр Брэста Аляксандр Рагачук: Дзеці ў пясочніцах на касцях гуляць не будуць

Мэр Брэста Аляксандр Рагачук: Дзеці ў пясочніцах на касцях гуляць не будуць

Кіраўнік Брэсцкага гарвыканкама адмеркаваў рэзанансную тэму раскопак на тэрыторыі гета.

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.