З 20 сакавіка па 10 мая ў перыяд з 3 да 9 гадзін дазваляецца ружэйнае паляванне на самцоў глушца і цецерука (з'яўляюцца нарміруемымі відамі) на таках спосабамі — з засады, з падыходу.
У якасці прыладаў палявання дапускаецца выкарыстоўваць наразную паляўнічую зброю з дульнай энергіяй кулі звыш 400 джоулей, гладкаствольную паляўнічую зброю з выкарыстаннем патронаў са шротам, паляўнічыя лукі і арбалеты.
Ружэйнае паляванне на самцоў слонкі “на цязе” дазваляецца з 7 красавіка па 13 мая з 18 да 22 гадзін спосабам — з засады. Прылады палявання адпавядаюць прыладам, дазволеным для палявання на гусі і качароў качак.
У Дзяжінспекцыі нагадалі, што ў выпадку ўзнікнення неабходнасці перамяшчэння паляўнічага ў працэсе палявання на самцоў слонкі “на цязе” з мэтай выбару найбольш аптымальнага месца засады (месца з найбольш інтэнсіўнай цягай), паляўнічую зброю варта разрадзіць і зачахліць. Яна павінна быць разраджана і зачэхлена таксама і ў той час сутак, калі паляванне на слонку, глушца і цецерука забаронена.
Сяргей РАСОЛЬКА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».