21 сакавіка ў 11.00 у Полацкім гарадскім Палацы культуры (вул. Гогаля, 15) адбудзецца абласны маладзёжны форум “БРСМ: час наперад!”.
120 дэлегатаў, сярод якіх прадстаўнікі самых актыўных першасных арганізацый, пераможцы абласных і рэспубліканскіх конкурсаў, маладыя навукоўцы, байцы студэнцкіх атрадаў і Маладзёжных атрадаў аховы правапарадку, валанцёры руху "Добрае Сэрца змогуць абмеркаваць дзейнасць абласной арганізацыі, будучыню Саюз моладзі. У якасці гасцей мерапрыемства запрошаны прадстаўнікі органаў дзяржаўнай улады, Цэнтральнага камітэта ГА “БРСМ”, грамадскіх аб'яднанняў, прадстаўнікі Расійскага саюза моладзі.
Арганізатары падрыхтавалі насычаную і цікавую праграму.
Да пачатку форуму можна будзе азнаёміцца з выставачнымі экспазіцыямі, на якіх будуць прадстаўлены прыярытэтныя напрамкі дзейнасці Саюза моладзі.
Як паведамілі ў Віцебскім абласням камітэце БРСМ, таксама для ўдзельнікаў у ААТ “Полацк-Шкловалакно”, Полацкім дзяржаўным універсітэце, сярэдняй школе № 18 ім. Еўфрасінні Полацкай, Беларускім дзяржаўным тэхналагічным універсітэце, Полацкім дзяржаўным лясным каледжы будуць арганізаваны экскурсіі і дыскусійныя пляцоўкі ў фармаце Адкрытага дыялогу, на якіх дэлегаты форуму будуць мець магчымасць азнаёміцца з арганізацыяй работы з працуючай, студэнцкай і школьнай моладдзю .
У рамках форуму адбудзецца ўзнагароджанне пераможцаў абласных этапаў рэспубліканскіх конкурсаў на лепшую першасную арганізацыі ГА “БРСМ” і “Валанцёр года — Добрае Сэрца".
У ходзе работы форуму будзе прэзентаваны інтэрактыўны даведнік “БРСМ” у месенджары Telegram, які распрацоўваецца па ініцыятыве студэнтаў факультэта матэматыкі і інфармацыйных тэхналогій і першаснай арганізацыі ГА “БРСМ” Віцебскага дзяржаўнага ўніверсітэта імя П.М. Машэрава.
Сяргей РАСОЛЬКА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».