Вы тут

У Мінску адбудзецца інклюзіўнае сямейнае свята «Вясновы калейдаскоп»


21 сакавіка — Сусветны дзень чалавека з сіндромам Даўна. А 25 сакавіка ў Мінску адбудзецца інклюзіўнае сямейнае свята «Вясновы калейдаскоп» з творчымі выступленнямі дзяцей як з сіндромам Даўна, так і без гэтага дыягназу, а таксама прафесійных артыстаў.


Ён пройдзе пад дэвізам «Тэрыторыя мастацтва — тэрыторыя роўнасці». У праграме — творчыя выступленні дзіцячых калектываў, забаўляльнае шоу, дэманстрацыя дзіцячых калекцый адзення, шоу-балет Іllіzіum, шоу барабаншчыкаў STRЕSS. Таксама на свяце выступяць Уладзімір Пугач, Аляксандр Патліс, гурт «Тяни-Толкай». Арганізатарамі свята з'яўляюцца ўстанова па аказанні дапамогі ў складанай жыццёвай сітуацыі «Лёс і надзея», бацькоўскае аб'яднанне «Даўн Сіндром. Інклюзія», Цэнтр моды і стылю M.Y.STUDІО ў партнёрстве з гатэлем «Рэнесанс-Мінск» і Галерэяй TUT.BY.

Медыкі кажуць, што сіндром Даўна ўзнікае ў выніку генетычнай анамаліі. Па статыстыцы Сусветнай арганізацыі аховы здароўя, з такім сіндромам нараджаецца кожнае 700—800-е немаўля ў свеце. Гэтыя суадносіны аднолькавыя ў розных краінах, кліматычных зонах і сацыяльных пластах. Генетычны збой адбываецца незалежна ад ладу жыцця бацькоў, іх здароўя, звычак і адукацыі. Існуе шмат забабонаў, звязаных з сіндромам Даўна. З-за адсутнасці дакладнай інфармацыі тысячы сем'яў вымушаныя змагацца за годную будучыню сваіх дзяцей, адчуваючы пры гэтым нярэдка неразуменне і непрыязнасць з боку навакольных. Арганізатары «Вясновага калейдаскопа» лічаць, што сумесныя творчыя мерапрыемствы дапамагаюць пераадолець пэўныя стэрэатыпы ў дачыненні да магчымасцяў людзей з асаблівасцямі ў развіцці.

Дата: 25 сакавіка 2018 года.

Час: з 14.00 да 17.00.

Месца: гатэль «Рэнесанс-Мінск», Мінск, Дзяржынскага, 1Е.

Уваход вольны.

Святлана БУСЬКО

Загаловак у газеце: Дзеці і артысты — супраць стэрэатыпаў

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.