Вы тут

20 сакавіка 1942 года ў Клічаве была цалкам адноўлена савецкая ўлада


У 1942-м тут, на акупаванай ворагам тэрыторыі, на чатыры месяцы была цалкам адноўлена савецкая ўлада.


Гэта адбылося 20 сакавіка 1942 года. Да канчатковага вызвалення раёна ад нямецкіх захопнікаў заставалася яшчэ больш за два гады, але гэтая дата стала яскравым сімвалам мужнасці і перамогі народа. Да сярэдзіны сакавіка 1942-га партызаны ачысцілі ад валасных упраў і паліцэйскіх гарнізонаў тэрыторыі Клічаўскага, значнай часткі Бярэзінскага, Бялыніцкага і чатырох сельсаветаў Асіповіцкага раёнаў. А 20 сакавіка народныя мсціўцы разграмілі нямецка-паліцэйскі гарнізон у самым Клічаве. У баі было забіта і трапіла ў палон больш за 150 немцаў і паліцэйскіх, захоплена вялікая колькасць зброі і боепрыпасаў. І хоць горад потым перажыў яшчэ не адну блакаду і неаднаразова пераходзіў з рук немцаў у рукі партызан, чатыры месяцы — з 20 сакавіка па 25 ліпеня 1942 года — тут, у нямецкім тыле, панавала савецкая ўлада. Потым мясцовыя органы кіравання перайшлі на падпольны рэжым і не давалі пакою ворагу да вызвалення раёна ў чэрвені 1944 года. Учора Клічаў урачыста адзначыў 76-ю гадавіну са дня тых сакавіцкіх падзей.

— Мы свята шануем гэты дзень, увесь час нагадваем пра яго нашай моладзі. Ён увайшоў у сэрцы як сімвал гераізму і мужнасці нашых землякоў, якія адстаялі мір на зямлі. Менавіта гэтай даце мы абавязаны магчымасцю мірна працаваць, выхоўваць падрастаючае пакаленне, — адзначыў у сваёй прамове падчас мітынгу старшыня Клічаўскага раённага выканаўчага камітэта Францішак Вашчыла.

Удзел у мітынгу прынялі працоўныя калектывы горада, ветэраны, моладзь, жыхары раёна. Да помніка ў гонар гэтай перамогі былі ўскладзены кветкі. Памяць загінулых ушанавалі хвілінай маўчання.

Нэлі ЗІГУЛЯ

Загаловак у газеце: Клічаў ворагу не скарыўся

Дадаць каментар

Выбар рэдакцыі

Грамадства

Прэзідэнт зрабіў кадравыя прызначэнні

Прэзідэнт зрабіў кадравыя прызначэнні

Аляксандр Лукашэнка даў згоду на прызначэнне рэктараў і кіраўнікоў раёнаў і прадпрыемстваў.

Калейдаскоп

Чым здзівіў Беларускі тыдзень моды

Чым здзівіў Беларускі тыдзень моды

Пазнаёміцца з навінкамі ад беларускіх дызайнераў можна было на тыдні моды, які праходзіў у Мінску з 7 да 11 лістапада.

Грамадства

Як сацыяльная рэклама змяняе стаўленне да бяздомных жывёл

Як сацыяльная рэклама змяняе стаўленне да бяздомных жывёл

«Не кідай мяне на лецішчы», «Я таксама хачу сустрэць Новы год дома» — такія кранальныя словы бачылі жыхары Масквы на білбордах з сацыяльнай рэкламай пра бяздомных жывёл.

Культура

«Свята каваля» прайшло пад Мінскам

«Свята каваля» прайшло пад Мінскам

Кожны ахвотны мог зрабіць што-небудзь з жалеза.