Вы тут

"Белтэлекам" з 1 красавіка павышае тарыфы


РУП "Белтэлекам" з 1 красавіка павышае тарыфы. Адпаведная інфармацыя размешчана на сайце прадпрыемства.


Фота: npc.by

"Тарыфная палітыка кампаніі "Белтэлекам" накіравана на максімальнае стрымліванне росту коштаў. Аднак пастаяннае развіццё тэлекамунікацыйных тэхналогій і забеспячэнне гарантавана высокай якасці паслуг немагчыма без мадэрнізацыі сеткі, набыцця сучаснага абсталявання, распрацоўкі новых тэхнічных рашэнняў і паслуг. У сувязі з гэтым з 1 красавіка 2018 года кошт паслуг доступу ў сетку інтэрнэт павялічыцца ў сярэднім на 3%", - растлумачылі ў кампаніі.

Пры гэтым нязменнымі застаюцца тарыфы на найбольш запатрабаваныя ў цяперашні час пакетныя прапановы лінейкі "Ясна". Існуючыя тарыфы захоўваюцца на папулярныя пакеты паслуг "Ясна 35", "Ясна 35+", "Ясна 75", "Ясна 75+", а таксама на тарыфны план паслуг доступу ў інтэрнэт "Рэкорд 25".

Будзе павышаны кошт паслуг тэлеграфнай сувязі, міжнародных тэлефонных злучэнняў (у тым ліку па пропуску трафіку аператараў электрасувязі Беларусі на сеткі замежных аператараў), выхад на абанентаў сотавай рухомай электрасувязі, даведачна-інфармацыйных паслуг і іншых дадатковых паслуг электрасувязі. Змены кошту ў межах 6% закрануць таксама асноўныя тарыфныя планы тэлебачання Zala і некаторых пакетаў паслуг электрасувязі.

Павышэнне не закране тарыфаў на рэгуляваныя паслугі мясцовай і міжгародняй тэлефоннай сувязі, паслугі доступу ў лінейна-кабельныя збудаванні, паслугі доступу ў сетку інтэрнэт з гарантаванай паласой прапускання.

C абноўленымі тарыфамі можна азнаёміцца тут.

beltelecom.by

Дадаць каментар

Выбар рэдакцыі

Грамадства

Як у Слаўгарадскім раёне апякуюць пенсіянераў

Як у Слаўгарадскім раёне апякуюць пенсіянераў

Дом у Лапацічах нічым асабліва не выдзяляецца сярод іншых...

Палітыка

Аб чым дамовіліся прэзідэнты Беларусі і Азербайджана?

Аб чым дамовіліся прэзідэнты Беларусі і Азербайджана?

Па выніках перамоў у Мінску яны прынялі сумесную заяву.

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.

Грамадства

Беларускія навукоўцы прадставілі больш за 300 распрацовак і тэхналогій

Беларускія навукоўцы прадставілі больш за 300 распрацовак і тэхналогій

На юбілейнай выстаўцы Нацыянальнай акадэміі навук.