Вы тут

Хакатон «БДУ—2018» стартуе 23 сакавіка


«Хакатон БДУ — 2018. Гульні Розуму 2. Лічбавы Сусвет» стартуе 23 сакавіка. Мэта інтэлектуальнага марафону — падтрымка моладзі ў рэалізацыі інавацыйных ІТ-праектаў.


У гэтым сезоне хакатон збярэ каля 50 студэнтаў беларускіх ВНУ, прычым з розных профіляў навучання. Аб'яднаўшыся ў каманды, яны выканаюць заданні, абвешчаныя спонсарамі мерапрыемства. На працягу трох дзён ім трэба будзе распрацаваць, прэзентаваць і публічна абараніць высокатэхналагічны праект.

Для выканання заданняў камандам выдзеляць рэсурсную лабараторыю HасkLаb, дзе ёсць усе ўмовы для рэалізацыі студэнцкіх ідэй і прымянення сваіх ведаў на практыцы. Яна аснашчана наборамі для канструявання робатаў, датчыкамі, 3D-прынтарам і найноўшымі мабільнымі прыладамі.

Пераможцы атрымаюць прызы, а таксама магчымасць удасканальваць свае інавацыі ў лабараторыі факультэта прыкладной матэматыкі і інфарматыкі БДУ SАР Nехt-Gеn Lаb.

У рамках мерапрыемства пройдуць лекцыі і майстар-класы, спікерамі якіх выступяць эксперты беларускай ІТ-індустрыі.

Для даведкі: хакатон (hасk mаrаthоn) — «марафон» крэатыўнага мыслення і праграмавання, падчас якога спецыялісты з розных абласцей (матэматыкі, праграмісты, фізікі, дызайнеры, эканамісты, хімікі, біёлагі, юрысты, філосафы, сацыёлагі) разам працуюць над рэалізацыяй перспектыўных праектаў.

Надзея НІКАЛАЕВА

Загаловак у газеце: Камандны розум — гэта сіла!

Выбар рэдакцыі

Грамадства

Як жывуць апошнія жыхары вёскі Вясневічы

Як жывуць апошнія жыхары вёскі Вясневічы

Галоўная славутасць Вясневічаў, яе жывая гісторыя — 96-гадовы Аляксей Юркевіч.

Культура

Наталля Батракова: Чытачы пішуць, што мае героі нібыта працуюць у суседнім офісе

Наталля Батракова: Чытачы пішуць, што мае героі нібыта працуюць у суседнім офісе

З Наталляй Батраковай мы сустрэліся на адкрыцці абноўленай кнігарні «Светач», што на сталічным праспекце Пераможцаў, 11. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чакаем смешных гісторый і ад вас!