З нагоды святкавання Міжнароднага дня лялечніка, які адзначаецца 21 сакавіка, у Ганцавіцкім раённым доме рамёстваў адкрылася выстава "Чароўны свет лялек". Тут прадставілі больш як 150 работ з калекцый майстроў раёна, паведамілі арганізатары.
Наведвальнікі выставы пазнаёміліся з беларускімі абрадавымі і пазаабрадавымі лялькамі, а таксама аўтарскімі лялькамі, зробленымі рукамі мясцовых майстроў як з тэкстылю, так і з дрэва, гліны і саломкі. Акрамя гэтага кожны даведаўся, у якіх выпадках выкарыстоўвалі тыя ці іншыя лялькі, якімі магічнымі ўласцівасцямі яны валодаюць і з якой нагоды іх вырабляюць.
- Напрыканцы мерапрыемства кожны ўдзельнік змог узяць удзел у майстар-класе па вырабе Дамавёнка, якога лічылі ахоўнікам дома і прыносілі ў падарунак, калі ішлі ў госці. Майстар-клас правяла Лілія Казак з вёскі Хатынічы, якая расказала прысутным аб сваім захапленні і падзялілася вопытам па стварэнні лялькі, - расказала Наталля Білімава, малодшы навуковы супрацоўнік Ганцавіцкага раённага дома рамёстваў.
Дар'я СПЕВАК
Мерапрыемства праводзіцца на добраахвотнай аснове.
Не выявіць ні секунды абыякавасці.
