Акцыя «Lots of Socks», прысвечаная Міжнароднаму дню чалавека з сіндромам Даўна, праводзіцца ў розных краінах свету з 2006 года. Сярод яе ўдзельнікаў шмат публічных асоб — прэзідэнт Ісландыі Гвюдні Ёўханесан, жонка прэзідэнта Грузіі Мака Чычуа, папулярныя артысты і спартсмены. Сёлета ўпершыню да ініцыятывы далучылася і Беларусь.
Флэшмоб, зладжаны радыё «Мір», адбыўся 21 сакавіка ў адным з гандлёвых цэнтраў сталіцы. Удзельнікі акцыі надзелі каляровыя шкарпэткі з розных пар, каб на сабе адчуць, што значыць быць не такім, як усе, і жыць пад пільнай, часта нядобрай, увагай навакольных. А айчынныя медыяперсоны — фрыстайліст Антон Кушнір і тайбаксёр Віталь Гуркоў, эстрадныя артысты і тэлевядучыя Ларыса Грыбалёва, Тэа і Вольга Рыжыкава, гурт Da Vіncі, мастачка Надзя Бука і іншыя ўласнымі рукамі распісалі шкарпэткі, якія сталі прызамі ў разнастайных конкурсах.
Узнятая праблема актуальная для ўсяго свету: на сёння прыкладна адзін з 700 немаўлят нараджаецца з сіндромам Даўна, і гэтыя лічбы не залежаць ад расы, нацыянальнасці, сацыяльнай прыналежнасці яго бацькоў.
Вікторыя ЗАХАРАВА
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.
