Вы тут

На тэрыторыі палаца Храптовічаў у Шчорсах наводзяць парадак


Гэтымі днямі на тэрыторыі палаца Храптовічаў у Шчорсах, што пад Навагрудкам, праходзіць суботнік. Яго мэта — добраўпарадкаваць тэрыторыю гэтага помніка палацава-паркавай архітэктуры другой паловы XVІІІ стагоддзя.


Удзел у навядзенні парадку ў такім знакавым месцы прымаюць супрацоўнікі Навагрудскага райвыканкама, навучэнцы і педагогі Шчорсаўскага дзіцячага сада — сярэдняй школы, спецыялісты гаспадаркі «Шчорсы» і Шчорсаўскага сельвыканкама, а таксама жыхары саміх Шчорсаў. «Былы палац Шчорсаў — адно з папулярных турыстычных месцаў Навагрудскага раёна. Захаванню ўнікальнага помніка ўдзяляецца вялікая ўвага. І цяперашні суботнік — толькі першае з многіх мерапрыемстваў Года малой радзімы па навядзенні парадку тут. Ладзім яго з шырокім прыцягненнем грамадскасці. Магчыма, гэта натхніць кагосьці ў больш шырокім фармаце паўдзельнічаць у захаванні і аднаўленні ўнікальнага аб'екта», — адзначаюць у аддзеле ідэалагічнай работы, культуры і па справах моладзі Навагрудскага райвыканкама.

Палацава-паркавы ансамбль у маёнтку Шчорсы быў пабудаваны па задуме апошняга канцлера Вялікага Княства Літоўскага графа Іахіма Храптовіча ў канцы XVІІІ стагоддзя. Увасаблялі задуму найлепшыя еўрапейскія майстры. Вядомыя Шчорсы не толькі палацам, унікальным паркам і сістэмай штучных вадаёмаў, але і бібліятэкай, дзе захоўвалася больш за 20 тысяч кніг, унікальных дакументаў і геаграфічных картаў. Тут на дзясяткі гадоў раней, чым на дзяржаўным узроўні, графам было адменена прыгоннае права. У часы Першай сусветнай вайны палац згарэў і ўжо не быў адноўлены. Захаваліся толькі фрагменты сядзібы, бетонныя слупы нізу агароджы, сутарэнні палаца, будынак бібліятэкі і некалькіх іншых пабудоў.

Ніна ШЧАРБАЧЭВІЧ

Загаловак у газеце: Для аднаўлення ўнікальнага аб'екта...

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.