21 Верасень, пятніца

Вы тут

Дыялог нацыянальных літаратур пройдзе ў Гродне


На традыцыйным Рэспубліканскім фестывалі нацыянальных культур у Гродне, што ладзіцца ўжо не першы год, у сёлетнім чэрвені пройдзе круглы стол беларускіх і замежных пісьменнікаў «Дыялог літаратур — дыялог культур».


Арганізатарамі выступаюць Міністэрства інфармацыі Рэспублікі Беларусь, Гродзенскі аблвыканкам, Гродзенскі гарвыканкам, а яшчэ — Гродзенскі дзяржаўны ўніверсітэт імя Я. Купалы і Гродзенскі дзяржаўны гісторыка-археалагічны музей. Да ўдзелу ў рабоце круглага стала, на які збяруцца пісьменнікі і перакладчыкі беларускай літаратуры найперш з розных рэгіёнаў Расіі, прычыняцца і Саюз пісьменнікаў Беларусі, Выдавецкі дом «Звязда», выдавецтва «Мастацкая літаратура», айчынныя літаратурна-мастацкія выданні.

— У час работы круглага стала, — дзеліцца планамі намеснік дырэктара Выдавецкага дома «Звязда» перакладчык Аляксей Чарота, — абмяркуем сённяшні стан міжнародных літаратурных адносін, ролю мастацкага перакладу нацыянальных літаратур у іх развіцці і пашырэнні. Асобна спынімся на пытаннях працы з перакладчыкамі і перакладамі ў літаратурна-мастацкай перыёдыцы.

Чакаецца, што ў госці ў Гродна прыедуць паэты, празаікі, публіцысты, перакладчыкі з Расійскай Федэрацыі — з Татарстана, Чувашыі, Масквы, Чачэнскай Рэспублікі, з Літвы, Польшчы, Украіны.

Мікола Берлеж

Дадаць каментар

Выбар рэдакцыі

Грамадства

Чаму ў Беларусі варта аптымізаваць колькасць сельсаветаў

Чаму ў Беларусі варта аптымізаваць колькасць сельсаветаў

І павышаць эфектыўнасць работы мясцовых органаў улады.

Грамадства

Якіх педагогаў  хочуць бачыць дзеці ў аб'яднаннях па інтарэсах?

Якіх педагогаў хочуць бачыць дзеці ў аб'яднаннях па інтарэсах?

​Для сістэмы дадатковай адукацыі ўласцівы адкладзены ў часе эфект.

Грамадства

Чым здзіўлялі арганізатары Фестывалю навукі?

Чым здзіўлялі арганізатары Фестывалю навукі?

Толькі Ньютан і толькі хардкор!