Вы тут

Мінскія двары і праспекты ўпрыгожаць за кошт дзяржавы і жыхароў


Пасадзіць больш за два мільёны кветак і тысячы кустоў, усталяваць шлагбаумы ў дварах, арганізаваць новыя формы велапарковак, заняцца ямачным рамонтам на 118 тысяч м2 прыдамавых дарог і збудаваць пляцоўкі пад смеццевыя кантэйнеры збіраюцца сёлета ў межах праграмы па добраўпарадкаванні гарадоў і населеных пунктаў. Да многіх мерапрыемстваў прапануюць далучыцца разам са сваімі сродкамі і грамадзянам.


Самае папулярнае — дзіцячыя пляцоўкі, лаўкі і сметніцы

Дзесяць дваровых тэрыторый 14 дамоў запланавана капітальна адрамантаваць сёлета ў сталіцы. Сярод плануемых змен — пашырэнне праездаў, уладкаванне дадатковых парковачных месцаў, рэканструкцыя існуючых і абсталяванне новых гульнявых і спартыўных пляцовак. На гэта выдзелена больш за 4 млн рублёў.

— Вельмі разлічваем на актыўны ўдзел жыхароў гэтых дамоў. Мы можам за іх сродкі прапанаваць зрабіць у дварах шлагбаумы, агароджы для дзіцячых пляцовак, устанавіць дадатковае абсталяванне для дзяцей, — пракаментавала пачынанне Маргарыта ЯЗІНСКАЯ, начальнік аддзела па добраўпарадкаванні ДА «Мінская гарадская жыллёвая гаспадарка». — Спадзяёмся і на іх удзел у азеляненні двароў. Пакуль праводзім з жыхарамі гэтых дамоў сходы па абмеркаванні сумесных планаў.

Бягучы рамонт і добраўпарадкаванне адбудуцца яшчэ ў 435 мінскіх дварах. Гэта ямачны рамонт на 118 тысяч м2 дарог. Афарбоўка і рамонт каля 14 тысяч адзінак дзіцячага гульнявога абсталявання і каля 24 тысяч малых архітэктурных формаў (сметніц, лавак). З дапамогай насельніцтва тут запланавана высадзіць кусты і дрэвы, адрамантаваць газоны і стварыць кветнікі.

— Жыхары могуць звярнуцца ў эксплуатуючыя арганізацыі, каб за свой кошт таксама паўдзельнічаць у добраўпарадкаванні, — заўважыла Маргарыта Язінская. — Набор работ, якія можна выканаць, даволі вялікі. Аднак найбольш папулярныя з году ў год заказы ад насельніцтва за свой кошт — устаноўка дадатковага дзіцячага абсталявання, лавак, сметніц.

Рознакаляровыя злакавыя і зялёныя сцены

На рэспубліканскі агляд-конкурс па добраўпарадкаванні населеных пунктаў, які штогод праводзіцца ў краіне падчас мерапрыемстваў па навядзенні парадку на зямлі, вылучаюцца мястэчкі з усё лепшымі паказчыкамі і дакладнымі прыкладамі руплівага гаспадарання, адзначыла Таццяна ГАЎРЫЛЕНКА, начальнік аддзела горадабудаўніцтва галоўнага ўпраўлення горадабудаўніцтва, праектнай, навукова-тэхнічнай і інавацыйнай палітыкі Міністэрства архітэктуры і будаўніцтва Беларусі:

— Летась аблвыканкамы і райвыканкамы шмат увагі ўдзялілі, напрыклад, добраўпарадкаванню месцаў агульнага знаходжання і адпачынку, якасці добраўпарадкавання, афармленню ўездаў і эстэтычнаму афармленню будаўнічых пляцовак. Хоць раней узровень апошніх быў даволі слабенькі.

У маі 2016-га запрацавалі «Правілы правядзення азелянення населеных пунктаў» — метадычныя рэкамендацыі па праектаванні. А Мінбудархітэктуры сумесна з Міністэрствам прыродных рэсурсаў летась падрыхтавалі тлумачальны ліст з рэкамендацыямі па распрацоўцы схем азелянення тэрыторый і патрабаванняў да іх. Гэта цяпер асноўныя дакументы, якія ўплываюць на добраўпарадкаванне мястэчак.

У 2018-м запланавана пасадзіць 13,4 тысячы дрэў, каля 45 тысяч кустоў і аднавіць 5,5 гектара газонаў. З'явяцца ў сталіцы і новыя формы велапарковак з месцамі адпачынку па праспекце Пераможцаў і ў скверах, дзе ёсць веладарожкі. У парках мяркуюць таксама зрабіць утульныя куточкі з лаўкамі і зялёнымі раздзяляльнымі сценамі для адасоблівання.

— Летась на праспектах Пераможцаў і Незалежнасці мы ўжо ўстанавілі пробныя формы для адпачынку з выкарыстаннем буйнапамерных і хвойных дрэў і кветак. Сёлета яшчэ 17 такіх месцаў будзе створана на пешаходнай зоне ад Нямігі да Мельнікайтэ і ад Арлоўскай да Драздоў, — расказала Алена АКУЛІЧ, начальнік аддзела ўтрымання і добраўпарадкавання аб'ектаў зялёнай гаспадаркі УП «Мінскзелянбуд».

Працягнуць сёлета разбіваць і новыя кветнікі розных формаў. Для гэтага ў сталіцы пасадзяць звыш 2 мільёнаў кветак. Цюльпаны ўжо, дарэчы, высадзілі. А праз пару гадоў у парках імя 900-годдзя Мінска і Пераможцаў запланавана стварыць кветнікі са шматгадовых злакавых траў рознай каляровай гамы.

— Аднагадовыя кветкі ствараюць хуткі эстэтычны эфект, якога можна дабіцца, упрыгожваючы горад да пэўных дат. У меншых маштабах мы выкарыстоўваем, вядома, і шматгадовыя расліны, аднак у іх карацейшы тэрмін квітнення, — адзначыла Алена Акуліч.

Сёлета ў сталіцы плануецца поўнасцю пазбавіцца ад смеццеправодаў у жылых дамах. З гэтай прычыны непадалёк ад жылля неабходна ствараць кантэйнерныя пляцоўкі, якія ў свой час не былі прадугледжаны існуючым планам забудовы. На рэалізацыю гэтай ідэі выдзелена 1,7 млн рублёў.

Ірына СІДАРОК

Загаловак у газеце: Паркоўкі, кветнікі і куточкі для адасобленасці

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.