23 Верасень, нядзеля

Вы тут

Сакрэт сямейнага шчасця


«Дваццаць гадоў таму я пазнаёмілася са сваім будучым мужам, — піша Аксана ДУБЯГА, загадчыца бібліятэкі ДУА «Сярэдняя школа № 3 г. Вілейкі», — а ён, майстар разьбы па дрэве, «закахаў» мяне ў беларускія рамёствы. Выцінанка, саломапляценне, тканне паясоў, кераміка — усё гэта было бясконца цікавым і зваблівым. У нас нарадзіліся два сыны, якія з часам таксама палюбілі беларускія рамёствы. Усе разам мы не толькі стваралі прыгажосць сваімі рукамі, але і сталі ўдзельнічаць у конкурсах і выстаўках (на фотаздымку — нашы сыны на адным з конкурсаў). Сёння ў сямейным архіве вялікая колькасць дыпломаў, перамог і вір прыемных уражанняў. Разам, як і раней, наведваем конкурсы, ладзім выстаўкі. І я, здаецца, адкрыла сакрэт сямейнага шчасця: нас усіх аб'яднала любоў да родных традыцый. Любіце адно аднаго, любіце родны край, любіце гісторыю сваёй Радзімы».

Шаноўныя мамы і таты, бабулі і дзядулі! Шчыра запрашаем вас прыняць удзел у конкурсе «Беларусікі». Дасылайце здымкі вашых дзетак, унукаў, а можа, нават і праўнукаў (з невялічкім аповедам) на адрас «Звязды». Але адна ўмова — каб, зірнуўшы на фота, адразу ж можна было зразумець, што гэта беларусік. Арыгінальнасць і творчы падыход вітаюцца! Аднаго з герояў, якога мы ўбачым на здымках, чакае прыз!

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.