Падчас прэс-канферэнцыі старшыня Гродзенскага аблвыканкама Уладзімір Краўцоў паведаміў, што гэта будзе тэрыторыя, якая знаходзіцца паміж двума бязвізавымі раёнамі – Свіслацкім і Гродзенскім. Зараз трапіць з аднаго ў другі бязвізаваму турысту немагчыма, што зніжае турыстычны патэнцыял гэтых мясцін. Дарэчы, у гродзенскіх улад ёсць намер выйсці з прапановай злучыць у бязвізавую зону абодва раёны, але гэта справа на перспектыву, падкрэсліў Уладзімір Краўцоў.
Па словах губернатара, зараз у Свіслацкім раёне у рамках бязвізавай зоны пачалі актыўна працаваць турыстычныя фірмы. Яны ўключаюць у свае маршруты знакамітыя мясціны Свіслацкага раёна.
Сярод цікавых аб'ектаў можна назваць былы палац графа Тышкевіча – сенатара ВКЛ. Яго сядзіба знаходзіцца на ўскрайку Белавежскай пушчы. У гэтых мясцінах жыў вядомы паўстанец Кастусь Каліноўскі.
Прыцягнуць увагу турыстаў можна аб'ектамі, звязанымі з дзвюма сусветнымі войнамі. Але найбольш прывабным месцам з'яўляецца Белавежская пушча, чвэрць якой знаходзіцца на тэрыторыі Свіслацкага раёна. Астатняя частка пушчы – у Брэсцкай вобласці. Як адзначыў Уладзімір Краўцоў, брэсцкія ўлады сумесна з гродзенцамі выступілі за тое, каб уся Белавежская пушча ўвайшла ў зону бязвізу
Маргарыта УШКЕВІЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.