Вы тут

Наталля Качанава правяла прыём грамадзян і прадстаўнікоў юрасоб


Работа са зваротамі грамадзян знаходзіцца на пастаянным кантролі ў Адміністрацыі Прэзідэнта.

Кіраўнік Адміністрацыі Прэзідэнта Беларусі Наталля Качанава ўчора правяла асабісты прыём грамадзян і прадстаўнікоў юрыдычных асоб, паведамілі БЕЛТА ў Адміністрацыі кіраўніка дзяржавы.

Наталля Качанава прыняла больш за 50 чалавек. Тэматыка разгледжаных пытанняў, як і раней, дастаткова разнастайная. Гэта і захаванне гістарычнай памяці народа, і патрыятычнае выхаванне моладзі, і работа грамадскіх арганізацый, развіццё бізнес-асяроддзя, праблемы фермерскіх гаспадарак, паляпшэнне жыллёвых умоў, парушэнне працоўных правоў і шэраг іншых пытанняў. Звароты разглядаліся з удзелам запрошаных службовых асоб дзяржаўных органаў. Шэраг пытанняў быў вырашаны ўжо падчас прыёму. Па іншых — дадзены неабходныя даручэнні. Ход іх рэалізацыі Адміністрацыя Прэзідэнта будзе кантраляваць.

Гэта ўжо трэці прыём, які з пачатку года правяла Наталля Качанава. Два папярэднія былі выязнымі. Яны адбыліся на найбуйнейшым будаўнічым прадпрыемстве Мінска ААТ «МАПІД» і ў ходзе рабочай паездкі ў Віцебскую вобласць.

У Адміністрацыі Прэзідэнта падкрэслілі, што ніводзін зварот з просьбай аб асабістым прыёме кіраўніком Адміністрацыі, які паступіў, не застаўся без увагі. Усе пытанні грамадзян былі накіраваны для разгляду па сутнасці ў дзяржаўныя органы, да кампетэнцыі якіх яны адносяцца.

Фота БЕЛТА

Загаловак у газеце: Пытанні вырашаюцца аператыўна

Выбар рэдакцыі

Грамадства

Ежа ці сімвал? Самы час зацікавіцца роспісам яек

Ежа ці сімвал? Самы час зацікавіцца роспісам яек

Карэспандэнт «Звязды» схадзіла на майстар-клас па стварэнні «пісанак».

Культура

Карэспандэнты «Звязды» пабывалі на начных здымках нацыянальнага кінапраекта

Карэспандэнты «Звязды» пабывалі на начных здымках нацыянальнага кінапраекта

Гісторыка-прыгодніцкая стужка пра Беларусь, беларуса-ваяра і беларуса-вучонага.

Спорт

Тры медалі ў беларусаў на этапе Кубка свету па скачках на батуце

Тры медалі ў беларусаў на этапе Кубка свету па скачках на батуце

Больш за 150 спарт­сме­наў з 36 кра­ін све­ту — гэта са­мыя моц­ныя ба­ту­тыс­ты су­час­нас­ці.