Вы тут

У Мінску пакажуць спектакль, у якім будуць іграць дзеці з аўтызмам


2 красавіка, у Сусветны дзень інфармавання аб праблеме аўтызму, у Мінску на сцэне Рэспубліканскага палаца культуры ветэранаў адбудзецца прэм'ера спектакля «Дрэва казак», у якім нароўні з юнымі акцёрамі будуць іграць дзеці з аўтызмам. Спектакль пакажа ў Мінску сямейны інклюзіў-тэатр «І» пры падтрымцы аператара vеlсоm.


Гэты тэатр быў створаны ў 2016 годзе. Дактары, псіхолагі і спецыялісты сцвярджаюць, што людзі з аўтызмам з цяжкасцю могуць нават глядзець іншым людзям у вочы.

Многія з дзяцей, якія цяпер займаюцца ў інклюзіўным тэатры, да таго практычна не размаўлялі, баяліся моцных гукаў, і ўвесь іх свет абмяжоўваўся ўласнай кватэрай і бацькамі.

Пры дапамозе тэатра яны навучыліся камунікаваць з людзьмі, многія замест навучання дома сталі наведваць школу, самастойна хадзіць у краму, а, значыць, у будучыні яны маюць шанц стаць паўнавартаснымі членамі грамадства.

Акрамя іншага, аказалася, што яны насамрэч здольныя іграць на сцэне, прычым так, што гледачы не могуць адрозніць іх ад іншых акцёраў!

Урыўкі з новага спектакля інклюзіўны тэатр ужо паказаў на ІV Міжнародным конкурсе «Скрыжаванне. Мінск», які прайшоў у беларускай сталіцы 16—18 сакавіка і сабраў удзельнікаў з Беларусі, Украіны, Літвы і іншых краін Еўропы. У выніку іх пастаноўка была прызнана найлепшым драматычным спектаклем конкурсу.

2 красавіка ў Мінску пройдзе акцыя «Таксі дабра» — 86 сініх аўтамабіляў таксі аператара 135 будуць бясплатна падвозіць усіх ахвотных. Акцыя ўваходзіць у серыю праектаў па прыцягненні ўвагі да праблемы аўтызму.

З 12.00 да 16.00 можна будзе бясплатна заказаць машыну службы 135 па кодавай фразе «Таксі дабра» альбо знайсці такую машыну ў горадзе, яна будзе дадаткова пазначаная адмысловымі наклейкамі. Вам трэба будзе толькі паказаць кіроўцу на сваім тэлефоне сімвал акцыі, які можна спампаваць у сацсетках, і можна ехаць бясплатна. А некаторым пасажырам нават падораць бясплатныя білеты на прэм'еру спектакля «Дрэва казак» з удзелам юных акцёраў з аўтызмам.

Святлана БУСЬКО

Загаловак у газеце: «Дрэва казак» з асаблівымі акцёрамі

Выбар рэдакцыі

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.

Калейдаскоп

Каля 150 спартсменаў-аматараў хочуць выступіць у «даеўрапейскіх гульнях»

Каля 150 спартсменаў-аматараў хочуць выступіць у «даеўрапейскіх гульнях»

Трэніроўкі і здымкі ўдзельнікаў пачнуцца ў красавіку.

Грамадства

Сувораўскае вучылішча вачыма яго навучэнцаў

Сувораўскае вучылішча вачыма яго навучэнцаў

Быць сувораўцам ва ўсе часы было прэстыжна.