Памер базавай арэнднай велічыні з 1 красавіка вырасце да Br15,2. Гэта прадугледжана пастановай Савета Міністраў ад 7 сакавіка 2017 года нумар 182. Цяпер базавая арэндная велічыня складае Br13,6.
Базавая арэндная велічыня прымяняецца ў разліках арэнднай платы пры арэндзе плошчаў, што знаходзяцца ў дзяржаўнай уласнасці. Гэта датычыцца ўласнасці гаспадарчых таварыстваў, у статутных фондах якіх больш як 50 працэнтаў акцый (долей) знаходзіцца ва ўласнасці Беларусі або яе адміністрацыйна-тэрытарыяльных адзінак, а таксама капітальных будынкаў (збудаванняў), ізаляваных памяшканняў, машына-месц, іх частак, уключаючы капітальныя будынкі (збудаванні), ізаляваныя памяшканні, іх часткі на рынках і ў гандлёвых цэнтрах.
Тарыфы на перавозкі пасажыраў чыгуначным транспартам агульнага карыстання на гарадскіх лініях павялічаны да наміналу, зручнага для аплаты, - на 2-6%. Яны ўступілі у сілу з 20 сакавіка.
Новыя тарыфы на перавозкі пасажыраў чыгуначным транспартам агульнага карыстання на рэгіянальных і міжрэгіянальных лініях пачнуць дзейнічаць з 1 красавіка і павялічацца на 24% і 32% у параўнанні з дзейнымі.
Як распавялі ў МАРГ, на сёння ўзровень кампенсацыі насельніцтвам затрат на аказанне ўнутрырэспубліканскіх пасажырскіх перавозак чыгуначным транспартам не перавышае 20%. Бюджэтнае субсідаванне на гэтыя паслугі не ажыццяўляецца.
"Рашэнне аб пераглядзе тарыфаў прынята ў мэтах паэтапнага павышэння ўзроўню акупнасці перавозак пасажыраў чыгуначным транспартам. Ад узроўню тарыфаў і ўзроўню акупнасці выдаткаў напрамую залежыць магчымасць правядзення перавозчыкам неадкладных мерапрыемстваў па падтрыманні якасці і бяспекі перавозак, абнаўлення рухомага складу, і, такім чынам, павышэння якасці аказваемых насельніцтву паслуг па перавозцы", - растлумачылі ў міністэрстве.
Тарыфы на перавозку пасажыраў чыгуначным транспартам агульнага карыстання ў папярэдні раз павышаліся ў 2015 годзе.
Падаражанне закране прадукцыю ААТ "Гродзенская тытунёвая фабрыка "Нёман". Так, цыгарэты Rothmans Demi Click Amber стануць даражэйшымі на 5 капеек, на такую ж суму падаражэюць цыгарэты Kent Double Mix. Цэны на цыгарэты Kent Blue, Kent Navy Blue, Kent Silver, Kent White будуць устаноўлены на ўзроўні Br2,95.
Падаражэюць і цыгарэты кампаніі "Тытунь-інвест". На 27 капеек вырасце цана на цыгарэты Camel Filters і Camel Blue.
Цыгарэты Aroma Rich Bardesey Blend, якія ўвозіць у краіну "Беларусьгандаль", з 1 красавіка будуць каштаваць Br3,7.
Беларускія вытворцы і імпарцёры цыгарэт маюць права штомесяц дэклараваць максімальныя рознічныя цэны на тытунёвыя вырабы.
"Тарыфная палітыка кампаніі "Белтэлекам" накіравана на максімальнае стрымліванне росту коштаў. Аднак пастаяннае развіццё тэлекамунікацыйных тэхналогій і забеспячэнне гарантавана высокай якасці паслуг немагчыма без мадэрнізацыі сеткі, набыцця сучаснага абсталявання, распрацоўкі новых тэхнічных рашэнняў і паслуг. У сувязі з гэтым з 1 красавіка 2018 года кошт паслуг доступу ў сетку інтэрнэт павялічыцца ў сярэднім на 3%", - растлумачылі ў кампаніі.
Пры гэтым нязменнымі застаюцца тарыфы на найбольш запатрабаваныя ў цяперашні час пакетныя прапановы лінейкі "Ясна". Існуючыя тарыфы захоўваюцца на папулярныя пакеты паслуг "Ясна 35", "Ясна 35+", "Ясна 75", "Ясна 75+", а таксама на тарыфны план паслуг доступу ў інтэрнэт "Рэкорд 25".
Будзе павышаны кошт паслуг тэлеграфнай сувязі, міжнародных тэлефонных злучэнняў (у тым ліку па пропуску трафіку аператараў электрасувязі Беларусі на сеткі замежных аператараў), выхад на абанентаў сотавай рухомай электрасувязі, даведачна-інфармацыйных паслуг і іншых дадатковых паслуг электрасувязі. Змены кошту ў межах 6% закрануць таксама асноўныя тарыфныя планы тэлебачання Zala і некаторых пакетаў паслуг электрасувязі.
"З 1 красавіка 2018 года змяненне кошту адбудзеццаў дачыненнi да паслуг мабільнай сувязі. Узровень абаненцкай платы, кошт выходных званкоў на нумары абанентаў Рэспублікі Беларусь, мабільнага інтэрнэту, SMS, MMS, адначасовых унёскаў, а таксама спецыяльных і дадатковых паслуг для фізічных і юрыдычных асоб павялічыцца не больш як на 3%", - паведамілі ў кампаніі.
З 2 красавіка зменяцца тарыфы на асобныя нерэгулюемыя ўнутрырэспубліканскія паслугі паштовай сувязі агульнага карыстання: перасылка простых дробных пакетаў, адпраўленняў 1 класа, заказной пісьмовай карэспандэнцыі, карэспандэнцыі з абвешчанай каштоўнасцю, пасылак. Павышэнне тарыфаў на паслугі складзе ў сярэднім 6 % да ўзроўню тарыфаў, якія дзейнічаюць з 27 сакавіка 2017 года.
РУП "Белпошта" адзначае, што застануцца нязменнымі тарыфы на перасылку ўнутрырэспубліканскіх адпраўленняў ЕМS, паштовага грашовага пераводу, паслуг "Паштовы кур'ер", "Прамая паштовая рэклама", "Паштовы маркетынг", "Мясцовая пасылка", "Экспрэс-кур'ер".
Усе змены будуць актуалізаваны 2 красавіка ў раздзеле "Тарыфы".
25 студзеня Аляксандр Лукашэнка падпісаў дэкрэт № 1, якім прадугледжаны меры па садзейнічанні занятасці насельніцтва. У новы дэкрэт не ўвайшлі нормы аб збіранні з працаздольных непрацуючых грамадзян збору на фiнансаванне дзяржвыдаткаў. Асобы, якія раней прызнавала плацельшчыкамi гэтага збору, вызваленыя ад яго выплаты.
Да 1 красавіка павінен з'явіцца спіс паслуг, за спажыванне якіх тыя, хто трапіў пад дзеянне дэкрэта, будуць плаціць па эканамічна абгрунтаваным тарыфе. Да таго ж, будзе вызначана, хто з не занятых у эканоміцы будзе падпадаць пад дзеянне новага дэкрэта.
Мерапрыемства праводзіцца на добраахвотнай аснове.
Не выявіць ні секунды абыякавасці.
