У першы панядзелак красавіка Магілёўскі інстытут Міністэрства ўнутраных спраў адзначае свой 70-гадовы юбілей.
З нагоды свята каля інстытута была ўрачыста закладзена капсула са зваротам да нашчадкаў і ўстаноўлена мемарыяльная пліта з кароткім экскурсам у мінулае. У сціслых радках інфармацыя пра асноўныя падзеі ў дзейнасці гэтай установы — барацьба з бандамі ў пасляваенны час, ліквідацыя наступстваў на Чарнобыльскай АЭС, удзел ва ўзброеных міжнародных канфліктах...
Ініцыятарамі ўсталявання знака сталі курсанты, супрацоўнікі і ветэраны ўстановы. Ён зроблены на іх ахвяраванні. Да добрай справы далучыліся і ўсе тыя, хто хацеў выказаць такім чынам словы ўдзячнасці гэтай установе. Удзел у адкрыцці прынялі навучэнцы і работнікі інстытута, шматлікія госці юбілейнага мерапрыемства, гараджане.
— Наша навучальная ўстанова не раз мяняла сваю назву і структуру, але нязменнай заставалася галоўная задача — падрыхтоўка высокакваліфікаваных спецыялістаў для органаў унутраных спраў, — адзначыў ва ўрачыстай прамове начальнік Магілёўскага інстытута МУС генерал-маёр міліцыі Валерый Палішчук. Юбілейныя мерапрыемствы сёння працягне святочны канцэрт, на які запрасілі ветэранаў установы, супрацоўнікаў.
Калісьці інстытут называўся школай перападрыхтоўкі сяржанцкага складу корпуса галоўнага ўпраўлення аховы на чыгуначным і водным транспарце Міністэрства дзяржбяспекі СССР. А ў 2014 годзе стаў вышэйшай навучальнай установай.
Нэлі ЗІГУЛЯ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.