Вы тут

Падаткі за здачу ў наём растуць


У Мінску на 6,3 % павялічыліся стаўкі падаходнага падатку ў фіксаваных сумах з фізічных асоб, якія атрымліваюць прыбытак ад здачы ў арэнду жылых, нежылых памяшканняў і машына-месцаў. Адпаведнае рашэнне прынята на другой сесіі Мінскага гарадскога Савета дэпутатаў 28-га склікання.


Намеснік начальніка інспекцыі Міністэрства па падатках і зборах па Мінску Вольга Кішко растлумачыла, што карэкціроўка ставак абумоўлена неабходнасцю іх адаптацыі да інфляцыйных працэсаў. Новы памер ставак падаходнага падатку за здачу жылых памяшканняў (за пакой, які здаецца) у першай эканоміка-планіровачнай зоне сталіцы склаў 32,5 рубля (павышэнне на 2 рублі), у другой — 27 рублёў, у трэцяй і чацвёртай — 23 рублі (павышэнне на 1,5 рубля), у пятай — 18,5 рубля (на 1 рубель).

Новыя стаўкі падаходнага падатку за здачу ў арэнду нежылых памяшканняў (за выключэннем гаражоў, машына-месцаў) за 1 квадратны метр плошчы ў першай і другой эканоміка-планіровачных зонах цяпер складаюць 5,3 рубля, у трэцяй — 3,5 рубля, у чацвёртай і пятай — 3 рублі. Стаўкі змяніліся і для тых, хто здае ў арэнду металічныя, драўляныя гаражы і машына-месцы. Яны сталі вышэй за папярэднія на 0,4—0,5 рубля. Для арэндадаўцаў жалезабетонных або цагляных гаражоў — на 0,7—0,8 рубля.

Вольга Кішко паведаміла, што па стане на 1 студзеня 2018 года ў Мінску зарэгістравана больш за 61 тысячу фізічных асоб, якія аплачваюць падаходны падатак у фіксаваных сумах. Іх плацяжы ў бюджэт летась перавысілі 14 млн рублёў. Чакаецца, што прыбыткі бюджэту сталіцы ў сувязі са зменай памераў ставак сёлета павялічацца больш чым на 891 тыс. рублёў.

Сяргей КУРКАЧ

Выбар рэдакцыі

Грамадства

Як сучасныя палешукі рыхтуюцца да свята Уваскрэсення Хрыстовага

Як сучасныя палешукі рыхтуюцца да свята Уваскрэсення Хрыстовага

Аўтар «Звязды» расказвае на прыкладзе сваёй сям'і.

Культура

ЗЕНА: Ад сцэны не стамляюся!

ЗЕНА: Ад сцэны не стамляюся!

Графік у артысткі вельмі насычаны.

Грамадства

Звыклыя выключнасці. Ці можна зразумець «лічбавае племя»?

Звыклыя выключнасці. Ці можна зразумець «лічбавае племя»?

Даследаванне «Пакаленне «Z» у пытаннях і адказах» было прадстаўлена падчас навуковага стэндапа, арганізаванага для навучэнцаў профільных педагагічных класаў у БДПУ.

Грамадства

Ежа ці сімвал? Самы час зацікавіцца роспісам яек

Ежа ці сімвал? Самы час зацікавіцца роспісам яек

Карэспандэнт «Звязды» схадзіла на майстар-клас па стварэнні «пісанак».