Вы тут

У Мінску прайшла міжнародная канферэнцыя па знешняй палітыцы


Інтэграцыя ў ЕАЭС, міжнародная энергетычная бяспека, патэнцыял супрацоўніцтва Беларусі з ЗША і Еўропай — гэтыя і іншыя пытанні ў фокусе ўвагі форуму «Беларусь у сучасных геапалітычных і геаэканамічных працэсах».


Акрамя вучоных у канферэнцыі прынялі ўдзел прадстаўнікі органаў кіравання і дыпламатычнага корпуса. У Мінск прыехалі эксперты ў міжнародных адносінах з 10 краін.

— Правядзенне такіх навуковых мерапрыемстваў асабліва неабходна цяпер, калі Еўропа сутыкаецца з такім выклікамі, як міграцыйны крызіс, раскансалідацыя грамадства і новыя пагрозы бяспекі. Адзіны шлях эфектыўнага супрацьстаяння гэтым выклікам — узгодненыя дзеянні, дыялог і супрацоўніцтва паміж усімі еўрапейскімі краінамі, — падкрэсліў актуальнасць сустрэчы Аляксандр КАВАЛЕНЯ, акадэмік-сакратар Аддзялення гуманітарных навук і мастацтваў НАН Беларусі.

Асаблівая роля ў гэтым плане надаецца Беларусі. У тым ліку, дзякуючы яе геапалітычнаму становішчу.

— Геапалітычнае становішча Беларусі характарызуецца тым, што яна знаходзіцца ў цэнтры Еўропы, на стыку цывілізацый, інтарэсаў вялікіх дзяржаў, пад уплывам эканамічных і ваенна-стратэгічных фактараў. Разам з тым геаграфічнае становішча нашай краіны на перасячэнні транспартных камунікацый дапамагае выгадна яго выкарыстоўваць для стымулявання эканамічнага развіцця, узмацнення сваіх пазіцый у рэгіянальнай палітыцы. Аб'ектыўна Беларусь сёння выконвае ролю моста паміж захадам і ўсходам, поўначчу і поўднем, — падкрэсліў Вячаслаў ДАНІЛОВІЧ, дырэктар Інстытута гісторыі НАН Беларусі.

Акрамя таго, геаграфічнае становішча абумовіла і складаны гістарычны шлях Беларусі. Краіна, якая знаходзіцца на геапалітычным скрыжаванні, была арэнай крывавых войнаў і сферай інтарэсаў розных дзяржаў. Але, нягледзячы на гэта, Беларусь адстаяла свае правы на незалежнасць і самастойнасць.

Арганізаваў і размясціў на сваёй пляцоўцы канферэнцыю Інстытут гісторыі Нацыянальнай акадэміі навук Беларусі. Падтрымала ініцыятыву Прадстаўніцтва па Беларусі Фонду імя Конрада Адэнаўэра (Германія). Арганізацыя праводзіць адукацыйныя семінары, кансультацыі, каб пабудаваць масты і ўзмацніць сувязі Беларусі з Германіяй і іншымі краінамі Еўрасаюза.

Марыя ДАДАЛКА

Загаловак у газеце: Геапалітычныя скрыжаванні Беларусі

Выбар рэдакцыі

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.

Грамадства

Што рабіць з безнагляднымі жывёламі?

Што рабіць з безнагляднымі жывёламі?

Пасля праходжання юрыдычнай экспертызы на разгляд урада паступiць праект пастановы Савета Мiнiстраў «Аб пытаннях па абыходжаннi з жывёламi».

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.