Якія ўгнаенні нельга змешваць

Асноўныя правілы

•  Нельга змешваць аміячныя формы азотных угнаенняў з вапнавымі матэрыяламі і попелам, бо з-за хімічных рэакцый паміж імі памяншаецца колькасць азоту.
•  Нельга змешваць мачавіну з парашкавідным суперфасфатам з-за ўтварэння ліпкай масы, якую цяжка раўнамерна ўносіць у глебу.
•  Нельга загадзя змешваць калійную соль і салетру з суперфасфатам з-за магчымага адсырвання масы.
•  Можна змешваць попел і вапнавыя матэрыялы з хлорыстым каліем і мачавінай, але толькі перад унясеннем у глебу.
•  Можна змешваць толькі сухія сыпкія мінеральныя ўгнаенні (зляжалыя варта папярэдне здрабніць і прасеяць).
•  Можна змешваць аміячную салетру з сульфатам амонію, іншымі салетрамі і амафосамі.
•  Можна змешваць мачавіну з сульфатам амонію, грануляваным суперфасфатам і амафосамі.
•  Можна змешваць птушыны памёт, кампост і гной з хлорыстым каліем і суперфасфатам грануляваным, а непасрэдна перад унясеннем — з мачавінай.