Другога красавіка вечарам выратавальнікам Кармянскага раённага падраздзялення МНС давялося даставаць з яміны глыбінёй каля паўтара метра каня. Яго гаспадар з вёскі Вынашаўка не змог самастойна выцягнуць жывёліну. Пры дапамозе гаспадарчага пажарнага рукава і лябёдкі каня дасталі з бруду. Ён не пацярпеў, ветэрынарная дапамога не спатрэбілася.
Ратавальнікаў Гомельскага гарадскога падраздзялення МНС у гэты ж дзень выклікалі ў гаражны кааператыў № 5 па вуліцы Нававетранай, каб дастаць аўтамабіль, які праваліўся пад зямлю.
У прэс-службе гомельскага абласнога ўпраўлення МНС паведамілі, што адбылося абвальванне цаглянай сцяны гаража і вымыванне грунту пад ім. У выніку чаго легкавік "Пежо-206" апынуўся пад зямлёй. Высветлілася, што ў месцы прасядання грунту на глыбіні 4,5 метра праходзіць жалезабетонны каналізацыйны калектар дыяметрам 1200 мм.
Ратавальнікі пры дапамозе крана паднялі дах гаража, пасля чаго аварыйная брыгада прадпрыемства "Гомельводаканал" з выкарыстаннем спецтэхнікі дастала аўтамабіль і пачала работы па раскопцы каналізацыйнага калектара для ліквідацыі прычыны надзвычайнага здарэння. Людзі ў гэтым выпадку не пацярпелі, работа аб'ектаў гаспадарання не прыпынялася. Прычына прасядання грунту ўстанаўліваецца.
Ірына АСТАШКЕВІЧ
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!