25 красавіка, серада

Вы тут

Кар’ерны форум прайшоў у БДУ


Усяго ўдзельнікамі маштабнага мерапрыемства, якое разгарнулася на пляцоўках «Прэзідэнт-гатэля», сталі звыш тысячы студэнтаў: не толькі прадстаўнікі Белдзяржуніверсітэта, але і іншых сталічных ВНУ. Свае прапановы наконт праходжання практыкі, стажыроўкі, а таксама вакансіі для моладзі падрыхтавалі больш як 30 айчынных і міжнародных кампаній.


У гэтым годзе ў аснову канцэпцыі мерапрыемства была пакладзена ідэя мадэлі "Універсітэта 3.0.". Удасканаленне ўзаемадзеяння ВНУ з заказчыкамі кадраў і ўмацаванне сувязяў паміж вышэйшай школай і прадпрыемствамі сталі ключавымі тэмамі дыскусійных і тэматычных пляцовак форуму, арганізаваных для студэнтаў, кампаній і каардынатараў падраздзяленняў БДУ.

"Спадзяюся, што Кар'ерны форум дазволіць выкладчыкам па-новаму паглядзець на працэс навучання, — падзяліўся сваімі думкамі рэктар БДУ Андрэй КАРОЛЬ. — Сёння немагчыма забяспечыць практыкаарыентаванасць без сістэмнай работы з заказчыкам кадраў. Неабходна зваротная сувязь і ацэнка працадаўцам студэнта. Без гэтых кампанентаў немагчыма казаць пра якасць і паўнавартаснасць нашай адукацыі. Важна таксама арыентаваць сістэму адукацыі на творчую самарэалізацыю і індывідуалізацыю навучання студэнтаў. Гэта дазволіць вырашыць шматлікія пытанні, звязаныя з падрыхтоўкай будучых спецыялістаў, запатрабаваных заказчыкамі і рэальным сектарам эканомікі".

Начальнік упраўлення кадраў БДУ Наталля НЯПЕЎНАЯ, каментуючы змест форуму, падкрэсліла яго арыентаванасць на студэнцкую моладзь: “Галоўны рэсурс для краіны — чалавечы, мы зацікаўленыя ў тым, каб нашы выпускнікі былі забяспечаны прэстыжным месцам працы і змаглі рэалізаваць сябе як спецыялісты”. З улікам гэтых патрабаванняў быў сфарміраваны блок мерапрыемстваў па развіцці асобасных якасцяў у студэнтаў, навыкаў “самапрэзентацыі”, праходжання гутаркі, складання рэзюмэ. Дарэчы, у вочна-дыстанцыйных майстар-класах “Soft skills” і “Актуальны ўчора, сёння, заўтра” узялі ўдзел больш за 14 тысяч чалавек. Трансляцыя ажыццяўлялася праз сацыяльную сетку “УКантакце”. Студэнты даведаліся пра спосабы развіцця і трэніроўку міжасобасных навыкаў, а таксама пра змену падыходаў да вучобы і кар'еры ў лічбавай эканоміцы, трэнды на рынку працы, новыя прафесіі і г.д

Пытанні слабай інфармаванасці студэнтаў аб эфектыўных формах узаемадзеяння з працадаўцамі, пасіўнасці заказчыка ў дачыненні да ВНУ былі разгледжаны ў рамках форуму на панэльнай дыскусіі “Узаемадзеянне 3.0”. Яе ўдзельнікі адзначылі неабходнасць стварэння цэнтралізаванай інфармацыйнай пляцоўкі па папулярызацыі існуючых праграм супрацоўніцтва з заказчыкамі кадраў. У цяперашні час абмяркоўваецца рэалізацыя праекта “Зваротныя лекцыі”, ініцыяванага БДУ і кампаніяй “Danone”.

Арганізатарам Кар'ернага форуму выступіла ўпраўленне кадраў Беларускага дзяржаўнага ўніверсітэта.

Надзея НІКАЛАЕВА

Фота Сяргея НІКАНОВІЧА

Дадаць каментар

Выбар рэдакцыі

Спорт

Штотыднёвы спартыўны агляд «Звязды»

Штотыднёвы спартыўны агляд «Звязды»

Расказваем пра перамогу нашых тэнісістак над Славакіяй у плэй-оф Кубка Федэрацыі, чарговы поспех беларускага баксёра на міжнародным рынгу.

Эканоміка

Якія змены на другасным рынку жылля

Якія змены на другасным рынку жылля

Пачатак года на рынку жылля выступае перыядам «разварушвання» для пакупнікоў. 

Грамадства

Вучэнні ў Печах у асобах

Вучэнні ў Печах у асобах

У Печах прайшлі провады ваеннабавязаных.