Лясгасы Брэсцкай вобласці прыступілі да нарыхтоўкі бярозавіку. Як паведаміла інжынер вытворчага аддзела Брэсцкага лясгаса Дар'я ХАЙКО, пункты нарыхтоўкі разгарнулі ўсе дзевяць лясніцтваў. Іх супрацоўнікі будуць адгружаць свежы напой арганізацыям-нарыхтоўшчыкам, а таксама прадаваць насельніцтву. Кошт бярозавага соку для тых, хто прыедзе на дзялянку, складае сёлета 16 капеек за літр.
На сезон названаму лясгасу запланавана сабраць 450 тон напою з бяроз, гэта прыкладна на ўзроўні мінулага года. «Але ўсё будзе залежаць ад прыроды, — адзначыла Дар'я Хайко. — Летась зборам соку мы займаліся прыкладна месяц, колькі давядзецца сёлета — невядома. Цяпло можа стаць перашкодай».
У цэлым на Брэстчыне запланавана атрымаць сем тысяч тон карыснай прадукцыі, як паведамілі ў абласным лесагаспадарчым аб'яднанні. Лунінецкі, Ганцавіцкі і Івацэвіцкі лясгасы маюць намер адпраўляць сок на экспарт. Дарэчы, летась літоўцы вельмі ахвотна куплялі беларускі бярозавік.
Святлана ЯСКЕВІЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
