Вы тут

Пагрозы лічбавай эканоміцы


Эксперты адзначаюць высокую ступень пранікнення інфармацыйных тэхналогій у ключавыя галіны эканомікі Беларусі. Для краіны становіцца актуальным сачыць за трэндамі ў інфармацыйнай бяспецы. У 2017 годзе сусветная кіберзлачыннасць выглядала наступным чынам: зламыснікі вымагалі грошы праз шыфраванне даных, правяралі на трываласць крыптавалюту, шукалі ўразлівыя месцы банкаў.


Шыфравальшчыкі зрабілі год

Паводле даных кампаніі Posіtіve Technologіes, летась самымі частымі аб'ектамі нападаў былі інфраструктура і вэб-рэсурсы. Адным з галоўных сусветных трэндаў сталі шыфравальшчыкі — праграмы, якія кадзіравалі даныя карыстальнікаў і вымагалі грошы за расшыфроўку. У 2017 годзе эксперты кампаніі зафіксавалі на 13 % больш унікальных кіберзлачынстваў у параўнанні з 2016 годам. У мінулым годзе павялічвалася і колькасць ахвяр сярод звычайных карыстальнікаў — на іх былі нацэлены 26 % усіх кібератак. Асноўнымі матывамі зламыснікаў застаюцца атрыманне прамой фінансавай выгады (70 %) і крадзеж даных (26 %).

«Летась эксперты фіксавалі накіраваную на кампаніі Беларусі актыўнасць групоўкі Cobalt, якая спецыялізуецца на атаках фінансавых арганізацый. Менавіта яна, як мяркуецца, стаіць за крадзяжом больш як 1,8 млрд рублёў з рахункаў расійскіх банкаў у 2015—2016 гадах. Таксама за паспяховай атакай на банк з вывадам грошай за мяжу праз міжнародную сістэму SWІFT у 2017 годзе», — адзначыла кіраўнік аддзела прасоўвання і развіцця тэхналогій Posіtіve Technologіes Яўгенія Красавіна.

Бяспека банкаў і крыптавалют

Яшчэ адным трэндам кібератак мінулага года сталі крыптавалюты і ІCO. Па даных кампаніі, у кожным праекце ІCO ў сярэднім знаходзілася па пяць слабых месцаў. Любое ўразлівае месца ў бяспецы смарт-кантракта прыводзіць да страты сродкаў або да немагчымасці правядзення аперацый, а таксама да адсутнасці магчымасці рэакцыі на інцыдэнт або аператыўную ліквідацыю «пралому».

Таксама адной з галоўных мэт кібератак нязменна застаецца банкаўская галіна. Па даных экспертаў, амаль у кожнай другой банкаўскай мабільнай праграме знаходзілі хоць бы адно крытычнае ўразлівае месца, якое дазваляла б зламыснікам праводзіць ашуканскія аперацыі. Толькі 8 % даследаваных мабільных банкаўскіх праграм мелі прымальны ўзровень бяспекі. Аналіз абароненасці анлайн-банкаў паказаў рост сярэдняй колькасці ўразлівых месцаў на 16 % у параўнанні з 2016 годам. Найбольш распаўсюджаная праблема абароненасці анлайн-банкаў — доступ да звестак, якія складаюць банкаўскую таямніцу кліентаў. У сферу інтарэсаў зламыснікаў таксама ўваходзяць банкаматы.

Ілья КРЫЖЭВІЧ

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.