Цёплае надвор'е паспрыяла таму, што некаторыя рэчкі Магілёўскай вобласці сталі пагражаць транспартнаму руху.
Па інфармацыі абласнога ўпраўлення па надзвычайных сітуацыях, на раніцу ўчарашняга дня рэчкі Вабіч і Раста падтапілі ўчасткі аўтадарог у Чавускім і Бялыніцкім раёнах, а рака Сож нават дабралася да аўтамабільнага моста ў раёне вёскі Парадзіна Мсціслаўскага раёна. Раста, дарэчы, пагаспадарыла і на прыватных падворках у Чавускім раёне. Ад яе пацярпелі 7 дачных дамоў з гаспадарчымі пабудовамі.
Не выключана, што вялікая вада можа несці пагрозу і іншым аб'ектам. Вядучы інструктар аддзела гідралогіі Магілёўаблгідрамета Вольга Іванчыкава паведаміла, што ў зоне рызыкі аўтадарога да вёскі Ляцягі ў Слаўгарадскім раёне. За апошнія суткі рака Проня, якая тут працякае, паднялася на 70 сантыметраў. Да небяспечнай адзнакі, калі вада пальецца на дарогу, засталося 50 сантыметраў. А вось Дняпру ў Магілёве, каб выйсці з поймы і стварыць небяспеку бліжэйшым да ракі падворкам, трэба "вырасці" болей чым на 3 метры. За апошнія суткі ён павялічыўся на 61 сантыметр. Але ледаход на ім працягваецца.
Што датычыцца шматпавярховікаў у мікрараёне Казіміраўкі абласнога цэнтра, да якіх дабраліся паводкавыя воды і падтапілі падвалы, сітуацыя стабілізуецца. Вада пайшла на спад і ў падвалы болей не трапляе.
Нэлі ЗІГУЛЯ
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.