Адключэнне ацяплення ў жылфондзе і на аб'ектах сацыяльнай і культурнай сферы ў Мінску пакуль не плануецца, магчыма, адпаведнае рашэнне будзе прынята да сярэдзіны красавіка, паведамляе намеснік старшыні Мінгарвыканкама Віктар Лапцеў.
«Разглядаючы гэта пытанне, трэба выключна арыентавацца на ўмовы надвор'я», — лічыць намеснік старшыні. Калі сярэднясутачная тэмпература на працягу трох дзён пратрымаецца на ўзроўні плюс 8 градусаў і цяплей, тады і будуць падставы для адключэння. «Пакуль што такое рашэнне не прымалася, графік адключэнняў не складаўся. Думаю, гэта адбудзецца да сярэдзіны красавіка», — сказаў Віктар Лапцеў.
А ўсё ж такі, цяпло ў сталіцы эканомяць. Прынамсі, з чацвярга ў Мінску пачынаюць адключаць ацяпленне ў адміністрацыйных будынках і на прадпрыемствах. Адпаведнае рашэнне прынята ў Мінгарвыканкаме 4 красавіка.
Сяргей КУРКАЧ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».