Сапраўды камфортнае надвор'е чакаецца ў нас у гэтыя выхадныя, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Надвор'е будзе «дыктаваць» антыцыклон, які перамесціцца з боку Заходняй Еўропы. Па начах будзе халаднавата, але ў дзённыя гадзіны пры невялікай воблачнасці чакаецца камфортная, без ападкаў, пагода. Уначы і раніцай у некаторых раёнах магчымы слабы туман. Тэмпература паветра ўначы ў суботу складзе ад мінус 2 да плюс 3 градусаў, але ў нядзелю ўначы па паўднёвым захадзе яна не апусціцца ніжэй 4—5 цяпла. У суботу ўдзень чакаецца 10—15 цяпла, па паўднёвым захадзе паветра прагрэецца да плюс 17 градусаў. У нядзелю будзе яшчэ цяплей, і тэмпература паветра ў другой палове дня складзе ад плюс 13 градусаў на паўночным усходзе да 20 цяпла на паўднёвым захадзе краіны.
Паводле доўгатэрміновых прагнозаў айчынных сіноптыкаў, у пачатку працоўнага тыдня захаваецца цёплае надвор'е. Замаразкі ўначы знікнуць зусім. У панядзелак будзе пераважна без ападкаў. Тэмпература паветра ўначы складзе ад плюс 1 да плюс 8 градусаў, удзень чакаецца 15—22 цяпла.
Сяргей КУРКАЧ
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.