Вы тут

На старшыню сельсавета завялі крымінальную справу


У дачыненні да старшыні аднаго з сельскіх Саветаў Мсціслаўскага раёна распачата крымінальная справа.


— Службовая асоба абвінавачваецца ў злоўжыванні ўладай і сваімі паўнамоцтвамі, — паведаміў начальнік Крычаўскага міжраённага аддзела ўпраўлення Дэпартамента фінансавых расследаванняў КДК па Магілёўскай вобласці Сяргей Азаранка. — Каб стварыць бачнасць актыўнай працы па кантролі за добраўпарадкаваннем населеных пунктаў, старшыня сельвыканкама на працягу 2015—2016 гадоў незаконна прыцягнула да адміністрацыйнай адказнасці 13 чалавек за правапарушэнні, якіх яны не здзяйснялі. Людзі нават і не здагадваліся пра гэта. Кіраўнік не толькі складала фіктыўныя пратаколы, але і сама аплачвала штрафы. Балазе яна накладвала іх у мінімальным памеры — 0,1 базавай велічыні. Псеўдазвесткі ўносіліся ёю ў адзіны дзяржаўны банк даных аб правапарушэннях.

За сваю вынаходлівасць старшыні прыйдзецца адказваць перад законам па частцы 3 артыкула 424 Крымінальнага кодэкса. Ёй пагражае пакаранне ў выглядзе пазбаўлення волі на тэрмін ад 3 да 10 гадоў з канфіскацыяй маёмасці або без канфіскацыі і з пазбаўленнем права займаць пэўныя пасады і займацца пэўнай дзейнасцю.

Нэлі ЗІГУЛЯ

Загаловак у газеце: Сама сябе... штрафавала

Выбар рэдакцыі

Культура

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Свята, якое ўжо традыцыйна ладзіцца ў першую нядзелю верасня, сёлета прымае Слонім.

Грамадства

Як працуюць сядзелкі

Як працуюць сядзелкі

Попыт на сядзелак ці медсясцёр, якія могуць даглядаць цяжка хворых людзей на даму, пастаянна расце.