У панядзелак Брэсцкая вобласць спыніла ацяпленне жылфонду ў апошніх трох сваіх гарадах. Гродзенскі рэгіён з учарашняга дня толькі пачаў перакрываць цеплаэнергію ў жыллі, а ў Гомельскай і Мінскай абласцях на 9 красавіка было адключана па адным раёне. Віцебская і Магілёўская вобласці пакуль не агучылі свае рашэнні па спыненні ацяплення жылфонду.
Тэрміны заканчэння ацяпляльнага сезона былі ўзгоднены ў Міністэрстве жыллёва-камунальнай гаспадаркі Беларусі яшчэ 5 красавіка. У гэты ж дзень пачалі адключаць батарэі ў адміністрацыйных і грамадскіх будынках, а цёплае надвор'е вымусіла пачаць рабіць тое ж самае і ў жыллі.
— Адключаць цяпло пачалі, паколькі ў шэрагу раёнаў краіны з 4 красавіка ўсталявалася сярэдняя тэмпература звыш васьмі градусаў і далейшы прагноз таксама добры, — расказала Святлана ЦІМОШКІНА, намеснік начальніка ўпраўлення камунальнай гаспадаркі і энергетыкі Міністэрства ЖКГ. — Каб не выкарыстоўваць паліўна-энергетычныя рэсурсы нерацыянальна, сістэмы цеплазабеспячэння ў кацельных былі пераведзены ў рэжым прапальвання з наступным адключэннем.
Калі тэмпература будзе паніжацца, кожны з органаў мясцовага кіравання сам прыме рашэнне аб мэтазгоднасці падключэння цепланосьбітаў без дадатковага ўзгаднення з Мінжылкамгасам, паведамілі ў міністэрстве. Нягледзячы на пахаладанне, якое прагназуюць на канец гэтага тыдня, жыхары пакуль радуюцца адключэнню ацяплення, бо ў некаторых сталічных кватэрах тэмпература даходзіла да 27—28 градусаў пры адчыненых вокнах.
Ірына СІДАРОК
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
