Міжнародныя рэзервовыя актывы краіны на 1 красавіка гэтага года, паводле папярэдніх звестак, склалі 6,994 млрд долараў (у эквіваленце), паведамляе прэс-служба Нацыянальнага банка Беларусі.
За сакавік золатавалютныя рэзервы знізіліся на 98,8 млн долараў (на 1,4 %) пасля росту ў лютым на 616,1 млн долараў (на 9,5 %). Зніжэнне ўзроўню актываў па выніках сакавіка абумоўлена планавым пагашэннем урадам і Нацыянальным банкам знешніх і ўнутраных абавязацельстваў у замежнай валюце на агульную суму каля 415 млн долараў.
Дарэчы, падтрыманню ўзроўню міжнародных актываў краіны ў сакавіку спрыялі паступленне замежнай валюты ў бюджэт, у тым ліку ад збірання экспартных пошлін на нафту і нафтапрадукты, паступленне сродкаў ад продажу на ўнутраным рынку Нацыянальным банкам і Міністэрствам фінансаў аблігацый, намінаваных у замежнай валюце, купля замежнай валюты на таргах акцыянернага таварыства «Беларуская валютна-фондавая біржа», а таксама павелічэнне кошту манетарнага золата.
Сяргей КУРКАЧ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.